الحوادث

قلة أدب وبيانات.. صاحب مبادرة زواج التجربة يهاجم الأزهر ومعارضي المبادرة ”فيديو”

الأربعاء، 16 ديسمبر 2020 05:38 مـ بتوقيت القاهرة

مقطع فيديو لا يتجاوز الـ 142 ثانية، نشره الدكتور أحمد مهران المحام المتخصص في قضايا الأسرة، وصاحب مبادرة "زواج التجربة"، عبر صفحته الشخصية على موقع التواصل الإجتماعي الفيسبوك، خاطب خلاله الرجال، ومن هاجموه عقب إعلانه مبادرته.

وقال: "أنت اللي علمتها إن الحياة فيها تعدد لما شافتك بتعرف ستات كتير، وأنت اللي علمتها إنك ممكن تتجوز وتطلق، وهي كمان بقت لما تطلق تتجوز وتطلق زي مانت بتعمل بالظبط، وأنت اللي فسدت أخلاقها لما شافتك بتعمل حاجات غلط وحاجات عيب وأنت بتجرها، وبتضحك عليها وتستدرجها وتقُل لها إفتحي الكاميرا.. وإقلعي.. وأنت بتقول لها إتصوري وإلبسي، وهي إتعودت أنها تعمل الحاجات الغلط دي كلها اللي أنت كنت السبب فيها فـ"متلومهاش أوي" ، ولوم نفسك معها وممكن تلوم نفسك أكثر منها.

وأضاف " مهران" عبر مقطع الفيديو: " الحاجة الثانية اللي عايز أقول لكم عليها.. أنتم عمالين تهاجموا فكرة زواج التجربة، ومحدش فاهم حاجة، وإيه فكرة زواج التجربة، بس أنا هقول لكم ببساطة.. أنتم عارفين لما بيطلقوا المتزوجين، بيكتبوا عقد إتفاق " يتضمن النفقة وغيره"، والحياة بعد الطلاق، موضحاً ليه منتفقش على شكل الحياة قبل الزواج اللي هو مؤبد وغير محدد المدة، لتحديد شكل الحياة أثناء الزواج، زي ما بنتفق على شكل الحياة بعد الطلاق".

واختتم حديثه: "إنما هجوم وقلة آدب والأزهر يطلع بيان ومجالس قومية ومنظمات مجتمع مدني، ومحدش فاهم حاجة.. كله بيهاجم أي فكرة قبل ما يفكر يفتح أي فيديو أو أي خبر، وفي الآخر نلوم على الستات وعلى الرجال، زيادة الطلاق في مصر".