”لو الأهلي كان قطع رقبتك”.. رضا عبد العال يفتح النار على مصطفى محمد
فتح رضا عبد العال نجم الزمالك السابق، النار على مصطفى محمد مهاجم الفريق الأول لكرة القدم بالنادي بعد تغيبه عن التدريبات الجماعية للفريق ورغبته في الخروج للاحتراف يناير المقبل.
ويتمسك مصطفى محمد بخوض تجربة الاحتراف، بعدما تلقى عرضًا من أحد الأندية الفرنسية للرحيل عن الأبيض، إلا أن مسؤولي الزمالك رفضوا رحيل اللاعب قبل الأولمبياد العام المقبل.
وقال رضا عبد العال في تصريحات عبر برنامج "اللعيب" المذاع على قناة "إم بي سي مصر": "إحنا كنا بندلل عليك يا مصطفى علشان ترجع منتخب مصر وحسام البدري يضمك ولما تقف على رجلك تبقى عايز تحترف؟".
وِشدد: "مفيش دكر في إدارة الزمالك يقدر ياخد قرار احتراف مصطفى محمد، والدكر اللى كان يقدر ياخد القرار مرتضى منصور ومشي خلا، لكن الموجودين دلوقتي بيشتغلوا بأجندة هتدمر النادي".
وواصل: "ولاد نادي الزمالك للأسف هم اللى بيوقعوا في النادي، الله يكون في عون جماهير الزمالك، ساسي بقاله سنة بيشحت كورة مش انت اللي تعمل كده مع الزمالك والنادي هو اللي عملك، والزمالك مش هيقف على ساسي ولا أوباما ولا بن شرقي، واللي عايز يمشي يجيب عرض كويس علشان نحل الأزمة المالية في النادي".
وتابع: "لازم يتاخد إجراء ضد فرجاني ساسي ومصطفى محمد لو تمردوا على الفريق، إحنا مش بنلعب في مركز شباب، واللي بيتمرد على إيه لا أخدتوا دوري ولا كأس ولا بطولة افريقيا".
اقرأ أيضًا: عاجل| مفاوضات سرية بين بيراميدز ومصطفى محمد لاعب الزمالك
واختتم رضا عبد العال تصريحاته: "بقول لمصطفى محمد إنت مش مكسوف من محمد شريف اللي جايب أهداف أكتر منك الموسم اللي فات وهو كان بيلعب في إنبي ودلوقتي أحسن منك، انت لما كنت في طلائع الجيش كنت بتتمنى تلعب للزمالك ودلوقتي بتتنمرد على الزمالك عشان تحترف، الزمالك له فضل على أي حد، ولو اللي بيعمله مصطفى محمد في الأهلي كانت اتقطعت رقبته".
