”كنت بأحضر لإنبي واجهت الأهلي”.. أول تعليق من حسام حسن بعد الهزيمة برباعية
أكد حسام حسن، المدير الفني لفريق الاتحاد السكندري، على أن الهزيمة من النادي الأهلي برباعية دون رد مباراة للنسيان.
وقال العميد في تصريحاته بالمؤتمر الصحفي عقب المباراة: "ماتش له ظروفه، ماتش للنسيان، أول ١٩ دقيقة كان شكلنا كويس، والتركيز لم يكن موجود، كان في أخطاء معينة، ومش بأحمل اللاعيبة بعينها، إن شاء الله هنفكر في الماتشات القادمة".
اقرأ أيضًا: تركي آل الشيخ عن صفقة مصطفى مححمد : ”مش عايز صداع”
وأضاف: "أخطاء سهلة من لاعبي الاتحاد السكندري سهلت المهمة لمهاجمي الأهلي في المباراة".
وتابع: "٥ أيام كنت بأحضر على أساس أن هواجه إنبي، كان نفسي أتبلغ بشكل محترم، أنا من الناس اللي بتقود الكرة المصرية، بلاش تعلموا قرعة ظالمة في تغيرات، والأهلي والزمالك يتحطوا في حتة لغاية ما بقيت الماتشات تتحدد، احنا بنلعب من غير جماهير، وللأسف ما زال في تخبط في القرارات".
وأضاف: "احنا مش كرة خماسية بنحدد الملعب قبلها بكام يوم، كل كلامهم بيقولوا مافيش تغيرات، ومافيش تأجيلات، واتفاجئ بعد ساعة بتغيير".
وأكمل: "اللي غير المباراة أكيد سأل الطرف الثاني لأنه أقوى!، الفرق الطيبة هما اللي بيروحوا".
واختتم: "محصلش إن اتكلمت عن المدرب بيتسو، أنا باحترمه جدًا، أي مدرب زميل أجنبي أو مصري كل التقدير والاحترام له، مينفعش أقيم أي مدرب، المدرب الأجنبي لما يجي لازم كل الناس تستفاد منه لأن بيكون عنده اللي مش عند المدربين المصريين".
