يسرا اللوزي: ”مش عشان ممثلة أقبل أي حد يغلط في بنتي” (فيديو)

شهدت الساعات الماضية، تفاعل كبير للمصريين مع الفنانة يسرا اللوزي وذلك عقب التنمر عليها وعلى ابنتها بعد أن وصفها أحد متابعيها بـ"أم الطرشة".

وخلال مداخلة هاتفية لـ النجمة يسرا اللوزي، مع برنامج "السفيرة عزيز"، الذي يذاع على شاشة قناة "DMC"، علقت على تنمر المتابع عليها.

اقرأ أيضا: يسرا تكشف أخر تطورات حالتها الصحية بعد إصابتها بكورونا

وقالت يسرا اللوزي: "في العادي طبعا بيكتب أحيانا شتايم بتكون ألفاظ خارجة وطبيعي الواحد بيكون عايز ينضف الكومنتات عنده ساعات فبيمسح الألفاظ دي عشان مش تكون عنده، بس أنا حسيت أني مش هرضى أقبل التنمر على بنتي ولا على أي بنت".

وأضافت اللوزي: "أنا زي أي أم، مش عشان ممثلة أقبل أي حد يغلط في بنتي وللأسف، إحنا عملنا للشخص ده إهتمام أكبر من حجمه، وللأسف الكائنات دى موجودة كتير، وأنا معرفش اللي كتب الكومنت ده عنده عقده نفسية ولا نقص وده موجود للأسف في كل بلاد العالم".

واختمت النجمة يسرا اللوزي كلامها: "أنا مش هراضي حد ولا هغير وجهة نظر حد في الآخر ومش هقدر امنع التنمر الموضوع أكبر مني ومن العالم كله، بس في الأخر حبيت استغل فرصة أن عندي جمهور كبير متابع الموضوع وهيقف معايا ويساندني، وأنا دائما لما بيكون في حاجة سلبية بحرج الناس على الذوق عشان محدش يمسك عليه أن أنا غلط أو اشتمت بعمل كده طريقة معينة حتى لو هكتب سطرين احرجه بالذوق ولما بقيت الفانز بيشوف ده بيقوموا داخلين بقى يرودو".