منى زكي توجه رسالة في اليوم العالمي للقضاء على ختان البنات.. تعرف عليها

حرصت النجمة منى زكي، على توجيه رسالة في اليوم العالمي للقضاء على ختان البنات، بصفتها سفيرة للنوايا الحسنة لليونسيف.

وكتبت منى زكي، عبر حسابه الشخصي بموقع التواصل الاجتماعي فيسبوك: "مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم".

وتابعت: "ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا "ختان طبي" لبناتهم يبقى كدة عملوا اللي عليهم، انتى أكتر واحدة عارفة مصلحة بنتك، وأكتر واحدة تقدري تحميها من جريمة مايقبلهاش عقل ولا طب ولا دين ولا قانون".

وأضافت: "النهاردة اليوم العالمي للقضاء على ختان البنات، وأنا كسفيرة نوايا حسنة ليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية اسمها اللجنة الوطنية للقضاء على ختان الإناث بقيادة المجلس القومى للمرأة والمجلس القومى للطفولة للتوعية بأضرار ختان البنات".

اقرأ أيضا: إيهاب فهمي أحدث المنضمين لفيلم ”آل هارون” (صور)

واختتمت: "لو عاوزة تستفسري اكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمى خط نجدة الطفل 16000، أو خط المرأة 015115، وربنا يحمي كل البنات، احميها من الختان".