عبير صبري في عيد الحب: ”جوزي بينكد عليا” (فيديو)

كشفت الفنانة عبير صبري عن العديد من الأسرار حول حياتها الشخصية وعلاقتها بزوجها وغيرها من الأمور حول حياتها الفنية، خلال لقاءها مع الإعلامية إيمان الحصري ببرنامج "مساء دى أم سي"، المذاع عبر قناة "dmc".

وقالت الفنانة عبير صبري، إن زوجها أيمن البياع لم يطالبها مطلقًا بترك الفن، ويتفهم طبيعة عملها، مضيفة :"العلاقة اللي بينا فيها نضج لأنه عارف كويس أنا اد ايه استثمرت في مهنتي لسنوات وكمان بيحبني جدا".

وأضافت عبير صبري خلال لقائها: "لم يطلب مني ترك مصر والعيش معه في دبي، بس بيغير عليا جدا وساعات بينكد عليا، لكن أنا مش بعمل حاجة توصله لدرجة الغيرة الشديدة".

وهنأ الدكتور أيمن البياع، عبير صبري بعيد الحب في مداخلة هاتفية خلال البرنامج حيث قال: "كل سنة وإنتي طيبة وبصحة وسلامة، تاني مرة ماكونش معاها في عيد الحب وأكون مسافر بس بنحتفل به بطريقتنا، بعرف بتحب ايه وبجيبه لها وهي بتثق في ذوقي".

اقرأ أيضا| خاص | مصادر: ريم البارودي تستعد للزواج وحفل زفافها قريبا

وتابع: "عبير عاقلة جدا في تعاملها، الغيرة موجودة لأن الحب موجود، أنا بغير عليها جدا لما بتخرج بلبس حلو، لكن الغيرة ليست قلة ثقة بل حب زيادة".

وأضاف "البياع": "بيكون شكلها حلو جدا ومش بقول لها لإني بكون غيران ومش بقدر أقول ولا أتكلم، لحد مرة قالت ليا أنت مش بتعلق ليه.. فقلت لها بصراحة أنا بكون غيران عليكي ومش عاوز أتكلم".

وواصل: "الراجل لما بيكون غيران أوي على مراته بيحاول يتماسك"، مضيفًا: "عبير بتغير جدا وممكن تضرب لو غارت عليا".