روبي تطرح أغنية ”أنا لو زعلانة” على يوتيوب (فيديو)

طرحت النجمة روبي، اليوم الأربعاء أغنيته الجديدة التي تحمل اسم "أنا لو زعلانة"، ضمن ألبوم "حتة تانية".

وأطلقت الفنانة روبي، أغنية "أنا لو زعلانة" على طريقة الفيديو كليب، عبر قناتها الرسمية بموقع الفيديوهات الشهير "يوتيوب".

اقرأ أيضا: سارة التونسي تقاضي العدل جروب.. لهذا السبب

فيديو كليب "أنا لو زعلانة"، للمطربة روبي، من كلمات حسام سعيد، ألحان خالد حلمي، توزيع أحمد إبراهيم، مدير تصوير الكليب سيف الدين، ستايلست ندى خضر، إخراج مصطفى عامر، ومن إنتاج وليد منصور وشركة "تالنت بيتس".

وحققت أغنية "أنا لو زعلانة"، لـ المطربة روبي، مشاهدة عالية منذ طرها في الساعات الأولى، حيث حققت نسبة مشاهدة 84 ألف مشاهدة على موقع الفيديوهات الشهير"يوتيوب".

وتقول كلمات أغنية "أنا لو زعلانة" لروبي:

"لا عادي براحتك مين قالك ان انا متضايقه، من الأول عارفة انك ماشي ومش هبقى أنا ليك، لا عادي براحتك تبعد تفضل مش فارقة، طول عمرك موجود في حياتي و مش حاسة أنا بيك، أنا لو زعلانة زعلانة على وقتي الي معاك ضيعته، على قلبي الي بايدي وجعته، على ثقتي في نفسي الي اتهزت ميت مره معاك، ايوه أنا غلطانه بأمانة، كان لازم تيجي مني من الأول، أنا ليه سبت الوقت يطول، مش كنت انا اولى بكل دقيقة ضاعت وياك، و ياعم بسيطة يالتوفيق الف سلامه، الروح في ايدين الي خالقها و أنا لسه بعيش، وياعم بسيطة منك في الدنيا دي ياما، أنا بس الي مكنتش شايفة و كان في تشويش، أنا لو زعلانة زعلانة على وقتي الي معاك ضيعته، على قلبي الي بايدي وجعته، على ثقتي بنفسي الي اتهزت 100 مرة معاه، أيوه انا غلطانه بأمانة، كان لازم تيجي مني من الاول، أنا ليه سبت الوقت يطول، مش كنت انا أولى بكل دقيقة ضاعت وياك، ايوه انا غلطانه بأمانة، كان لازم تيجي مني من الاول، أنا ليه سبت الوقت يطول، مش كنت انا اولى بكل دقيقة ضاعت وياك".