بعد انفصالها عن محمود حجازي.. أسما شريف منير: ”النهايات أخلاق مش إدعاء”
وجهت أسما شريف منير ابنة النجم شريف منير، رسالة خاصة بعد إنفصالها عن زوجها الفنان محمود حجازي.
وكتبت ابنة شريف منير، عبر حسابها الشخصي بموقع التواصل الاجتماعي "فيسبوك": "دايماً لما اتنين بيسيبوا بعض كل واحد فيهم بيبقي عايز التاني يحس إنه تعبان من غيره، أو فحال أوحش، عشان يعرف يعدي ويقوم، هكدب عليكم لو قلتلكم محستش كده!".
وتابعت: "بس بما إني مركزه مع تجربتي المرة دي عشان فعلاً عايزه أتعلم وأقوى بجد، قعدت أحلل الإحساس ده بكل تفاصيله لحد ما وصلت إن لو فعلاً الواحد في يوم حب، إزاي ممكن يتمني لحد حاجة زي دي، إيه الأنانية دي؟، حتي لو إتأذيت ليه أوصل إني أتمني إن الشخص التاني يتعب عشان يحس بقيمتي!!".
اقرأ أيضًا: برفقة بطلة العمل.. إنجي نور الدين تكشف كواليس جديدة من ”كوفيد 25”
وأضافت: "ده إحساس مؤذي وده مش طبعي، فهذبت نفسي ولمتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص، وتكون النهايات أخلاق مش إدعاء، لكل ست في نفس الموقف لو حسيتي بكده أقفي مع نفسك! وقفي نفسك، وغيري التفكير ده من جذوره ودعي الخلق للخالق، ركزي في إزاي تقومي بطريقة صحية وإتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}، سامحي حتي لو مش انتي اللي غلطانة، إن الله غفور رحيم".
