قهرت أمي وموتها.. انهيار هالة صدقي بالبكاء على الهواء(فيديو)
حلت الفنانة هالة صدقي ضيفة برنامج "شيخ الحارة والجريئة"، الذي تقدمه المخرجة ايناس الدغيدي، على شاشة القاهرة والناس، وانهارت الفنانة هالة صدقي من بالبكاء بعد تذكر والدتها الراحلة، معبرة عن حزنها الشديد على فراقها.
وقالت هالة صدقي خلال استضافتها بالبرنامج: "أمي لو عايشة دلوقتي كانت هاتموت تاني من حسرتها عليا بسبب أفعال جوزي معايا".
وأضافت: "السبب وراء وفاة أمي إنها جالها إعلان قضية عليا وبعدها توفت بسبب حزنها ومرض السكر كان عندها وماتت وهي في البيت لوحدها وأنا كنت في الساحل".
وتابعت : "لما جوزي جاء يعزيني رفضت عزائه لأنه كان السبب في وفاة أمي، ومشاكلى وخلافاتي وجعت قلب أمي".
اقرأ أيضًا:محمد رمضان يتغزل في حبيبته.. وحمدى الوزير يحتسى البيرة في أول حلقات ”موسى
ووجهت رسالة لوالدتها: "بقول لأمي أنا بحاول أقلدك وأمشي على كل حاجة انتى عايزاها ولحد دلوقتي مش بقدر افتح دولابها لأنها كانت بتخاف على حاجتها، والبيت مهجور وبروح كل شوية أفتحه، أمي وحشاني جدا وكانت بتحبني لأنى بنتها الوحيدة وكانت بتستخسر في نفسها أى حاجة علشان تكتبها باسم ولادي، ومفيش أم كانت بتعمل زيها وهي أم عظيمة واستحملت كتير.
