حورية فرغلي: ”رجعت اتنفس وأنا نايمة.. وعندي مفاجأة هتعجبكم”
طمأنت الفنانة حورية فرغلي جمهورها على حالتها الصحية، حيث شاركت متابعيها مقطع فيديو من خلال خاصية اللايف، عبر حسابها الرسمي بموقع التواصل الاجتماعي "فيسبوك"، وجهت رسالة شكر لمن قدم لها الدعم والدعاء بالشفاء أثناء إجرائها العمليات الجراحية فى أنفها بأمريكا، وأيضاً بعد عودتها.
وقالت حورية فرغلى في مقطع الفيديو: "كل سنة وانتوا طيبين، ميرسى أوى على كمية الرسائل اللى عمالين تبعتوها لى، شكراً على دعمكوا ليا ودعواتكوا وسؤالكوا عليا طول وأنا مسافرة وحتى بعد ما رجعت، أما تطورات العلاج والنقاهة فعاوزة أقولكوا إن أنا زى الفل، الدكتور مبسوط جداً وأنا مبسوطة جداً، حاستى الشم والتذوق رجعولى تانى وصوتى مبقاش مخنف وبقيت أنام وأنا بتنفس من مناخيرى".
اقرأ أيضًا:وزيرة الثقافة تفتتح معرض نتاج مبادرة ”صنايعية مصر” بالهناجر
وتابعت حورية: "الحمد لله يا رب، ربنا رجعلى النعمة دى تانى، أنا بس بحب اطمنكوا .. أنا زى الفل وعندى كمية طاقة كبيرة جدا وأنا داخلة على شغل كتير اوى، وهتبقى مفاجأة بالنسبة ليكم وأنا دايما بعودكم أن مش بعمل حاجة عادية".
