بدرية طلبة تفجر مفاجأة عن شريف دسوقي قبل عملية البتر (فيديو)

كشفت الفنانة بدرية طلبة تطورات الحالة الصحية للفنان شريف دسوقي، قبل بتر ساقه، مؤكدة إلى أنها كانت معه لحظة بلحظة قبل البتر بمدة كبيرة، نظرًا لأنهم عِشرة سنوات طويلة.

 

وخلال لقائها مع الفنانة منى عبدالغني، والإعلامية مفيدة شيحة، وسهير جودة، مقدمي ببرنامج "الستات ما يعرفوش يكدبوا"، المذاع عبر شاشة قناة "cbc"، قالت بدرية طلبة: "أخدته على المستشفى، وكان صعب جدًا في التعامل مع الأطباء، وعشان نعمله إشاعة أو تحليل كان حدث، وكان عندي أمل إنه مايتمش البتر، ولكن الدكتور قال أنا هقرر جوا في العمليات، وتم قرار البتر لتدهور حالته".

 

اقرأ أيضا: حورية فرغلي: ”رجعت اتنفس وأنا نايمة.. وعندي مفاجأة هتعجبكم”

 

وفجرت بدرية طلبة مفاجأة عن الفنان شريف دسوقي، موضحة أنه قبل عملية بتر الساق، أصيب بفسروس كورونا، قائلة: "وهو داخل يعمل العملية، اكتشف الدكتور إن عنده فيروس كورونا وكنت أنا مخالطة له بس كنت سيباها على الله، إذا كان قبله كنت مخالطة أحفادي وأولادي المصابين بكورونا وربنا نجاني".

 

وأردفت بدرية طلبة: "قرار الرئيس الفتاح السيسي تجاهه رفعت من معنوياتنا كلنا، وكون إن الرئيس يهتم بيه رفعت من معنويته، والدنيا اتقلبت عشان شريف ودا عدل نفسيته شوية، ولما روحتله قبل كدا لقيته مش متزن نفسيًا، واتفقت مع زميل ليا صديقنا إننا نسيطر على حالته ونساعده، لأني عارفة اللي حصل مع شريف دا كويس، ومريت بنفس الظروف مع بابا، لأنه بردو اتبترت رجله واللي أجرى عملية شريف هو نفس الدكتور اللي بتر رجل بابا".

 

واختتمت بدرية طلبة حديثها عن الفنان شريف دسوقي، قائلة: "هو اللي عمل كدا في نفسه عشان كان خايف، وغصب عنه، وهو كان تعبان نفسيًا بسبب ظروف حصلتله زمان، وكان يواظب على علاج مُعين، ولما ربنا كرمه واشتغل بطّل يأخد العلاج، وحالته تدهورت، خصوصًا أنه داخل على نجومية، وأقام في الإسكندرية ومحدش عرف يسيطر عليه، وأنا روحت أخدته بالمسايسة وهو عشرة عمري".