مصطفي درويش عن تصريحات شريف مدكور: ”نصباية ودايرة على الكل”

حرص الفنان مصطفي درويش، التعليق على تصريحات الإعلامي شريف مدكور الأخيرة، الذي أكد خلالها أنه "لن يسلف أحد فلوس إذ استعان أحد به للمساعدة".

 

وشاركت مصطفى درويش، جمهوره ومتابعيه صور لتصريحات شريف مدكور، عبر حسابه الشخصي بموقع التواصل الاجتماعي "فيس بوك"، وعلق كاتبًا: "عنده حق الموضوع ده مستفز فعلا.. بس بنشوف الرسايل اللي زي دي ومش بنرد بعمل نفسي ما شوفتهاش وخلاص..علشان المحتاج بجد بيكون عفيف وعنده كرامة إنما دول نصباية ودايرة على الكل".

 

اقرأ أيضا: جمال سليمان يكشف أسرار من حياته وكواليس ”الطاووس” الليلة

 

ويذكر أن الإعلامي شريف مدكور، أكد في بث مباشر له عبر حسابه الشخصي على موقع التواصل الاجتماعي "فيس بوك"، أنه حدث سوء فهم من الجمهور بعدما كتب هذا المنشور على صفحته، مشيرًا إلى أنه لا يتأخر عن المقربين منه الذين يحتاجون إليه، ولكن هناك عدة أشخاص لا يستحقون "السلف".

 

وأردف شريف مدكور: "عايز أفهم.. يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها".

 

واختتم شريف مدكور حديثه قائلا: "يعني إيه واحدة تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، هل يا جماعة ده طبيعي؟، يعني إيه واحد يبعتلي يقولي محتاج 6 آلاف جنيه يقولي بقالي شهور مدفعتش قسط الموبايل هل ده مقبول؟ أنت اشتريت موبايل ليه أصلا وأنت مش معاك فلوسه".