رنا سماحة توجه نصائح لطلاب الثانوية العامة: ”لا قهرتك هتعمل حاجه ولا زعلك هينجحك”
حرصت الفنانة رنا سماحة، على توجه بعض النصائح لطلاب الثانوية العامة، مع بداية امتحاناتهم اليوم وصعوبة امتحان مادة اللغة العربية.
وكتبت رنا سماحة، عبر حسابه الشخصي بموقع التواصل الاجتماعي فيسبوك: " بنات وشباب الثانويه العامة، نصيحه لوجه الله، اوعوا تزعلوا أو تتقهروا عشان امتحان جه صعب أو مالحقتش تحل أو حتى شيلت مادة".
وتابعت: "أعمل الي عليك ذاكر وأجتهد وادخل امتحانك برضو اعمل الي عليك وسيب الباقي على ربنا لا قهرتك هتعمل حاجه ولا زعلك هينجحك وصدقوني في الأخر الي ليك نصيب فيه هتشوفه حتى لو مش الي انت مخططله هتلاقي ربنا مخططلك الأحسن وصدقوني مفيش أي حاجه تستاهل كمية الحزن ده".
اقرأ أيضًا: عاجل | ”حملات تشويه”.. رد ناري من أحمد العوضي على اتهام ياسمين عبد العزيز بتعذيب خادمتها
واختتمت: "متقهروش نفسكوا على حاجه في الاخر هتبقى نصيب وكفايه وجع قلب، والأهالي بالله عليكم رفقاً بعيالكم لو شفتي ابنك أو بنتك عمل الي عليه ومقصرش، طبطبوا وقووهم وبس، ربنا يسهلكوا الدنيا والي جي يبقى أحسن ولو مبقاش عادي برضو أحسن، الحياه كده كده صعبه ومحتاجه نهون على بعض".
