تامر حسني عن تبرؤ حلا شيحة من مشاهدها: ”انتي إللي صورتيها ومحدش أجبرك”
رد الفنان تامر حسني، على تصريحات الفنانة حلا شيحة وتبرؤها من مشاهدها الرومانسية كليب “بحبك”، في فيلم “مش أنا”، مشيرًا إلى أنها كانت تعلم بخطة العمل وقدمت هذه المشاهد برضاها.
وكتب نجم الجيل تامر حسني في منشوره على التواصل الاجتماعي "فيس بوك": "هو مش أنتِ اللي صورتيه، ومثلتيه بنفسك وبمنتهى الرضا، ولاّ حد أجبرك؟!، وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم، عشان لو عندك أي ملاحظة تقوليها، مكنتش بتردي علينا وتليفوناتك كلها كانت بتقفل في وشنا".
اقرأ أيضا: والد حلا شيحة يهاجم ابنته: ”كلامك غلط ومرفوض وتامر حسني ملوش ذنب”
وأردف المطرب تامر حسني: "أنتِ للأسف يا حلا متعاملتيش صح مع الموقف، كان لازم تهتمي بأمرك أكتر من كدا، ولو كان ليكي أي طلب تاني كنت هعمله بكل حب، أنما أنت وفجأة اختفيتي، ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا، ومخلتيناش نعرف نعمل آفيش مجمع!، وبقيتي تقفلي تليفوناتك وتكنسلي علينا كلنا".
