ليس المرة الأولى لـ ريهام سعيد.. اعتزلت 3 مرات التمثيل والإعلام وعادت من جديد
قررت الفنانة والمذيعة ريهام سعيد اعتزالها العمل الإعلامي، ومن ثم تقديم البرامج وعودتها للتمثيل من جديد بعد أن كانت اعتزلت التمثيل عام 2014، وكتبت بوست عبر حسابها الشخصى بموقع تبادل الصور والفيديوهات الشهير "إنستجرام"، قائلة: "فكرت كتير قبل ما اكتب البوست ده، أنا اعتزلت التمثيل سنة 2014 لأنى حسيت إن صاحب بالين كداب وإن التمثيل مأثر على مسيرة الخير إلى ابتديتها من سنين طويلة عشان الوقت والمجهود إلى بعمله".
وأردفت: "لكن عشقى للتمثيل اللى هو دراستى ومهنتى الأولى قبل الإعلام رجعت أمثل تانى وأنا لسه فى نظر المخرجين والمنتجين مذيعة عايزة تمثل، كنت عارفة إن عشان أخد مكان كممثلة لازم أسيب الإعلام زى - مع حفظ الألقاب - داليا البحيرى وبسمة ودينًا فواد ودينا الشربينى وغيرهم بس مكنتش قادرة أسيب رسالتى إللى كانت مهمة أوى وقتها، أنا حصل لى مشاكل كتير من المهنة دى بتأثير باطل من السوشيال ميديا من منافسين وأعداء بسبب المشاهدة العالية جدا والنجاح".
اقرأ أيضا: الليلة.. يسرا مع رامي رضوان في ”مساء DMC”
وتابعت: "أنا تعبت وحاسة إنى قدمت كل إللى ممكن يتقدم والدولة عاملة إللى عليها ومش محتاجين دور المجتمع المدنى فى مساعدة الناس لكن أنا ليا الشرف إنى اشتغلت فى المهنة العظيمة دى إلى ليها رسالة سامية وعظيمة وليا الشرف إنى كنت إعلامية فى أصعب وقت مر على الإعلاميين أيام حكم الإخوان والحمد لله كان لينا موقف واضح ومتغيرش ولا دقيقة، أنا الحمد لله حققت فى التمثيل وكل إللى اشتغلته علم مع الناس واشتغلت أعمال كلها قيمه بس بعد ما جالى السكر وشوية مشاكل تانية قررت أعمل إلى بحبه أنا بكل أسف بعلن اعتزالى الإعلام تماما وهركز كممثلة وهطلب من الدكتور أشرف زكى إنه يساعدنى إنى إغير الفكرة الموجودة فى أذهان المخرجين والمنتجين إنى مذيعة".
عودة ريهام سعيد للتمثيل
وأختتمت حديثها قائلة: "ورسالة للأستاذة كاملة أبو ذكرى ومش مكسوفة نفسى أوى أمثل معاكى حتى لو مشهد ده من أحلامي، خطوة صعبة وفيها ريسك كبير بس على الأقل أجرى ورا حلمى حتى وأنا فى السن ده، جه الوقت إنى أستمتع باللى بعمله وبحبه خصوصا لما يكون فى عصر ولا فيه واسطة ولا محسوبية إللى هيجتهد هيوصل، متسيبوش حلمكم مهما فات الوقت، بشكر جمهورى من الأمهات والشباب والأطفال إلى دائما بيدعمونى وحبوا برامجى وتعلموا منها وبشكر ربنا على عشرين سنة إدانى الفرصة فيهم إنى أقضى حوائج الناس وأقدم كل ما هو مفيد، فخورة بكل حلقة وبكل حرف قدمته 20 سنة تعب وسهر وتصميم على تقديم الحقيقة، أنا آسفه ليكوا بس التمثيل رسالة برضوا وهو حلمى الأساسى إلى تأخرت أوى عشان احققه يا رب وفقنى وساعدني".
اعتزالات متكررة لريهام سعيد
لم تكن تلك المرة الأولى والأخير التي تقرر فيها ريهام سعد الأعتزال، ففى عام 2019، صدر قرار بوقف برنامج صبايا الخير للإعلامية ريهام سعيد والذى كان يذاع على قناة الحياة المصرية، بعد قرار نقابة الإعلاميين الذى صدر بوقفها عن مزاولة العمل الإعلامى وذلك لأنها لم تحصل على أى تصريح من نقابة الإعلاميين بمزاولة مهنة الإعلام.
وقتها أعلنت ريهام سعيد فى فيديو لها عبر حسابها الشخصي على موقع تبادل الصور والفيديوهات الشهير "إنستجرام"، أنها لن تعود إلى مزاولة العمل التليفزيونى، قائلة "أنا مش راجعة تاني، أنتوا خدمتونى بقراركم، أنا اتوقفت كتير لكن عمرى ماقلت إنى مش راجعة، أنا محتاجة أقرب من ربنا وأخد بالى من ولادى وجوزي".
اعتزال ريهام سعيد التمثيل
وفى عام 2014 قررت ريهام سعيد اعتزال التمثيل نهائيًا، من أجل التفرغ لبرنامجها وخدمة الوطن وممارسة العمل الإعلامي - حسب ما قالته - وقالت خلال تقديمها حلقة من برنامجها "صبايا الخير"، قالت"سعيدة جدا برد فعل الجمهور على أدائى فى مسلسل "ابن حلال" وأنى كنت عند حسن ظنكم، وقررت أن يكون هذا العمل هو مسك الختام".
