بعد غنائه ”بحبك يا صاحبي”.. أحمد سعد يكشف سبب بكاء العروسة وتركها للفرح (صور)
شارك الفنان أحمد سعد جمهوره ومتابعيه، مجموعة صور له من إحدى حفلات الزفاف الذي أحياه، وكشف عن سبب بكاء العروسة بعد غنائه "بحبك يا صاحبي".
ونشر أحمد سعد، الصور عبر حسابه الشخصي بموقع تبادل الصور والفيديوهات الشهير إنستجرام، وعلق قائلا: "كنت بغني في فرح ولكن الفرح كان مليء بالبكاء
بدأت بأغنية (كل يوم) والناس مبسوطة وبعدها بغني أغنية (بحبك ياصاحبي) قامو الناس جريوا عليا بسرعة وقالوا لي لأ ماتغنيش أغنية بحبك ياصاحبي ، ماتغنيش بحبك ياصاحبي،مافهمتش في ايه ؟! فماغنتش (بحبك ياصاحبي)
والعروسه قامت بتعيط وجريت بعيد عن الفرح !، فغنيت أغنيه تانيه قامت العروسه".
وتابع: "قامت تاني وعيطت وسابت الفرح !، مكنتش فاهم في ايه؟!، طب أغني ايه ؟!، المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبه له اهم حد وكل الاغاني بتاعتك لها ذكريات مع ابوها، وهي كانت بتغنيله (بحبك ياصاحبي) لو هو موجود دلوقتي كان أول حد هايجيبه يغني في الفرح كان هايكون انت، ومش العروسة هي اللي جابتني الفرح".
اقرأ أيضًا: كيف رد رواد السوشيال ميديا على شائعات وفاة دلال عبد العزيز؟
واختتمت قائلا: "العروسة في الفرح طول الوقت تبصلي وتفتكر ابوها وتعيط، العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي، الله يرحمه".
