تعرف على أخر تطورات الحالة الصحية للإعلامية ريهام سعيد

أعلنت الإعلامية ريهام سعيد إصابتها بفيروس كورونا المستجد، مما تسبب في تضرر رئتيها، واحتجازها في المستشفى، وتلقيها أعلي بروتوكول من وزارة الصحة خاص بفيروس كورونا.

وشاركت ريهام سعيد جمهورها صورة لها وهي في المستشفي وعلقت عليها قائلة: "بقالي أسبوعين بعاني من كورونا والحمد لله الرئة اتأثرت واتحجزت في المستشفى من شوية.. إحساس غريب وأنت عندك حاجة مميتة، بتراجع نفسك كتير، وتحاسب نفسك كتير، أكيد غلطت لكن عمري ما قصدت، كان دائمًا الغرض نفع الغير، وإظهار الحقيقة".

وأضافت: "شكرًا يا رب على حبك ليا وشكرًا على ابتلاءتك الكتير اللي بتدل على اهتمامك بي، إذا كانت دي النهاية يا رب أحسن خاتمتي واحسب لي كل عمل عملته لوجهك الكريم.. يا رب أنت الوحيد اللي عارف أنا عملت إيه وكانت نيتي دائمًا إيه، استحملت وصبرت على افتراء وظم كتير".

وقالت سعيد في تدوينتها: "استحملت وصبرت على افتراء وظلم كتير.. يا رب اغفر لي وسامحني وخلي بالك من أولادي.. إذا كان ده اختبار من اختباراتك ولسه في العمر بقية يا رب اشفيني واقف جنبي وسهِّل عليا محنتي.. أنا راضية بأي شيء".

واختتمت: "نصيحة لكل واحد بيهاجم مشهور أو ناجح أنت بتاخد ذنب رهيب.. انتو بتاخدو من أعصابنا وصحتنا وكله على باطل.. خلي بالكوا الأذية دي وحشة أوي وهتقعد لك في أعز ما عندك.. أرجو الدعاء بالخير ليا أيا كان هو إيه.. اسمحوا لي أني أعتذر لكل فريق العمل السيدة زينب والمنتج ممدوح شاهين والمخرج محمد النقلي على العطلة اللي تسببت فيها".