”مش هكمل المهرجان”.. نجلاء بدر ترد على انتقادات فستانها الجريء في الجونة

ما زالت الفنانة نجلاء بدر تتصدر التريند بسبب فستانها في حفل افتتاح الدورة الخامسة لمهرجان الجونة السينمائي، الذي أثارت به ضجة كبيرة وأصبحت حديث السوشيال ميديا ووسائل الإعلام.

وعلقت الفنانة نجلاء بدر على أزمة تريند الفستان، موضحة أنها أول مرة تتعرض لهذا الهجوم، قائلة: "أنا مش بتاعة التريند والكلام ده وكلمة تريند هي إهانة للفنانين والفستان من تصميم فريدة تمرازا وعندما اخترت الفستان ركزت على اختيار الأحلى والأشيك وليس الأكثر عريًا".

وتابعت نجلاء بدر خلال مداخلة هاتفية مع الإعلامي عمرو أديب قائلة: "فيه قماشة الناس مش شايفاها اللي محطوط عليها العين وده الاستايل بتاعها وهي حرة فيه، وكل الزملاء قالوا لي إنه قطعة فنية ولكن بعض الزملاء قالوا لي إن القماشة مش باينة في الصور.. ومواصفات العري ليست موجودة في الفستان لأن الفتحة مش كبيرة، ومنطقة الصدر متغطية ومنطقة البطن نصها باينة".

اقرأ أيضًا: الليلة.. فرقة المرعشلي في احتفالية المولد النبوي مع عمرو الليثي

وأضافت: "ده موجود في أغلب الفساتين.. ومنطقة الكتف نصها عريان والنص التاني رقبة مقفولة وبكم... والموقف اللي حصل أكبر مني بكتير وأنا مش واحدة بتاعة استعراض، وزعلانة لأن الفن أذواق ده غير إن المهرجان منتقد قبل ما يظهر وده حصل في الحريق.. والفستان على الطبيعة مختلف تمامًا عن الكاميرا".

واختتمت كلامها: "مش شرط كل حاجة نعملها تعجب الناس وأنا مش بتاعة الكلام ده ومش هكمل المهرجان.. قيموني بفني ليس بشكلي، والمجال الفني أكتر مجال بينتقد".