عمر كمال يهاجم حمو بيكا: ”إزاي يقف قدام حلمي بكر”(فيديو)
أوضح الفنان عمر كمال، رأيه في مهنة مطربي المهرجانات الشعبية، مؤكدًا ضرورة تقنين مؤدي "المهرجانات" فهو من وجهة نظره الطريقة الأصح لضمان عدم احتواء الأغاني على كلمات غير لائقة.
وخلال لقائه مع الإعلامي عمرو أديب، مقدم برنامج "الحكاية"، عبر شاشة قناة "MBC مصر"، قال عمر كمال: "أنا مع أستاذ هاني شاكر جدا في اللي عمله في جزئية، فعلا في كلام مينفعش يتقال، وفي ناس مينفعش تغني. لكن في حتة تانية لازم نقنن المهرجانات زي ما قننا الراب وعملنا ليه شعبة. زي ما وافقنا على الراب لازم نوافق على المهرجانات".
اقرأ أيضا: عمر كمال يطرح حلا لإنهاء أزمة مطربي المهرجانات (فيديو)
وأردف: "أنا قلت قبل كده لفظ خمور وحشيش إتوقفت 9 شهور إتعلمت فيهم الأدب، عامل 5 أو 6 أغاني معديين المليار مشاهدة وواقف مش عارف أمسك فلوس. اليوتيوب فيه فلوس كويسة بس اللايف هو الأساس، ولما رجعت مضيت إقرار إن أي كلمات هروح بيها المصنفات أجيزها".
وأضاف "كمال"، حديثه قائلا: "الشباب النهاردة موجودين كل واحد بيغني اللي هو عاوزه. لو إنت احتوتهم وخلتهم يشتغلوا تحت النقابة بتصاريح أنا هخاف أقول كلمة وحشة عشان هتوقف. وأنا قلت قبل كده كلام محدش فهمه".
واختتم عمر كمال حديثه، قائلا: "واحد زي حمو بيكا لازم ياخد كارنيه مؤدي مهرجانات، اللي بيوقف حمو قدام لجنة استماع بيظلمه، إزاي أوقف حمو قدام أستاذ حلمي بكر".
