«شاف مني الويل».. هاني رمزي يكشف كواليس خلافه مع أحمد السقا - فيديو

كشف النجم هاني رمزي عن كواليس تعاونه مع الفنان أحمد السقا في مسرحية "ألابندا" بطولة علاء ولي الدين ومسرحية "كدة أوكيه" بطولة شريف منير.

وقال هاني رمزي، خلال استضافته في برنامج "هنيدي شو"، المذاع على قناة المحور الفضائية: "أحمد السقا شاف مني الويل، هو على طول أكشن وحركة مستمرة".

وأضاف: "ولما كان بيقع كان بيتعور.. وأنا كنت غاوي أزقه، مرة وقع وتسببت في إصابة له، وقولتله أنا مش هضربك تاني أنا مش حابب يتكسرلك ضلع.. خرب الدنيا وقالي أنا عايز أتضرب ولازم تزقني.. تاني يوم زقيته خفيف طلع زعلان مني".

اقرأ أيضًا.. ريم البارودي تستعرض أناقتها في جلسة تصوير جديدة.. صور

في سياق آخر، قالت مها الصغير زوجة أحمد السقا خلال لقائها في برنامج CutheCrap على اليوتيوب: "انفصلنا ورجعنا، انفصلنا ورجعنا، اتطلقتوا دي ناس كتيرة مش عارفاها، وبحس إني لما بقولها للناس، كأني بقول حاجة غلط، فيه ناس بتبقى في مراحل إن أنتوا تنفصلوا، ده أسلم حل لينا ولعيالنا، إن كل واحد يمشي".

وتابعت مها الصغير: "اتجوزت وأنا عندي 20 سنة وكنت صغيرة واطلقنا ورجعنا مكنتش قادرة استحمل الخلافات وكنت بسعى دايمًا لإرضاء الطرف الآخر لكن مبرضيش نفسي وده كان بعد ما خلفت أولادي التلاتة، ووقتها حصلت خلافات بيني وبين أبويا مع إنه كان هو اللي بيدعمني في البداية، لكن أنا اتطلقت لأني كنت فعلًا بعاني".

وأكملت زوجة أحمد السقا: "أنا أبويا وأمي كانوا دايمًا بيدعموني في حياتي وفي حرية وإن البنت زي الولد، جيت اتجوزت بقى معرفش ليه الراجل بيتحول بعد الجواز لسي السيد فتصدمت بقى بالواقـع، أنا عندي طموح زي ما إنت عندك وعندي أحلام إني اشتغل زي ما إنت عندك، ويمكن يكون ده حصل لأننا اتجوزنا صغيرين أوي".