عاجل… عمرو أديب منفعلا على الهواء: «اللي بيشمتوا في موت وائل الإبراشي حيوانات»

استنكر الإعلامي عمرو أديب، حملات "شماتة" البعض في وفاة الإعلامي وائل الإبراشي، وعلق: "وائل ميتعوضش، واللي شغالين في المجال ده متميزين وقليلين جدًا، وائل عمره ما يتكرر كان مذيع عظيم".

وأضاف "أديب"، خلال تقديمه برنامج "الحكاية" المذاع عبر فضائية " MBC مصر": "أنا بقيمه كمذيع، مكنش بيقول رأي قبل ما يبين كل الآراء، كان بيبنلك كل حاجة من جوا، اللي بيشتغل الشغلانة دي أصله صحفي، ووائل كان قادرًا على طرح قضايا كبيرة ومهمة للغاية".

اقرأ أيضًا: حسين الشحات: أرفض لعب أولادي في النادي الأهلي لهذا السبب.. فيديو

وتابع: "أنا تألمت جدا ليلة وفاة وائل، كان في هاشتاجين، لكن الهاشتاج بتاع الشماتة في وائل، أنه يتحرق يولع، وأحسن أنه مات، كان أقوى من هاشتاج الله يرحمه ويصبر أهله".

واستكمل: "اللي عملوا كدة حيوانات، وهو اشمعنا لما الناس بتوعكوا بيموتوا معملناش كدة، ليه إحنا مش حيوانات زيكوا، حتى في شوية منكوا ترفعوا شوية وقالوا الله يرحمه، نهشوا في جتة الراجل قبل ما يدفن، إيه القذارة اللي أنتوا فيها دي، بارزوه وهو حي، لكن مش وهو ميت".

وأردف منفعلا: "أرجوكم أقفوا جمبي لما أموت، لو شعرت إن الناس مش هيقفوا جمبي يبقى بلاها دي شغلانة".