بعد إثارة الجدل.. نيقولا معوض يكشف سبب اعتذاره عن فيلم أصحاب ولا أعز
كشف الفنان اللبناني نيقولا معوض عن سبب اعتذاره عن المشاركة في فيلم "أصحاب ولا أعز"، وذلك بعد تصدره على قائمة محتويات الأكثر بحثًا على مؤشر البحث العالمي جوجل ومختلف مواقع التواصل الاجتماعي، بعد طرحه على منصة "Netflix" الإلكترونية، وذلك بسبب تعرضه لحملة هجوم عنيفة من الجمهور، نظرًا لاحتوائه على مشاهد وألفاظ جريئة لا تتوافق مع عادات وتقاليد المجتمع الشرقي.
وكتب نيقولا معوض عبر حسابه الشخصي على موقع التواصل الاجتماعي "فيسبوك": "يلّي متابعني منيح بيعرف انو ما بحياتي اعتذرت عن دور وبعدين طلعت قلت هيدا الدور كان لي.. مع اني ما بلاقيها غلط، بالعكس بلاقيها شغلة كتير عادية وما فيها أي انتقاص لا من الدور ولا من الممثل يلّي أخد الدور.. بَسّ اليوم، مع كل الجدل يلّي عم نشوفوا حول فيلم اصحاب ولا أعز، كتير حابِب قول انو كان المفروض كون واحد من مُمَثّلي الفيلم.. وكمان حابب قول انو سبب اعتذاري ما له علاقة أبداً بالجَدَل الجاهِل العَقيم يلّي عم نشوفوا حاليّاً".
واستطرد نيقولا معوض كاتبًا: "اعتذرت لانو ظروف كورونا خلّت التصوير يتأجَّل أكتر من مرّة وكان عندي ارتباط مُسبَق بتصوير خارج لبنان، فاضطرّيت انسحب من المشروع وأنا عارف مُسبَقاً اني كتير رح إزعَل لمّا شوف الفيلم.. كنت مفكّر حالي رح إزعَل بَسّ لانو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل انسان اشتغل قدّام الكاميرا وورا الكاميرا تحت إدارة المخرج يلّي بحبّو كتير وِسام سمَيرة".
اقرأ أيضًا.. فيلم أصحاب ولا أعز كامل hd.. يثير الجدل بسبب دعمه للمثلية
واختتم نيقولا معوض بقوله: "بَسّ اليوم لقيت حالي زعلان لأسباب تانية.. زعلان لأنو هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، وقدّيه للأسف نحنا عايشين بمُجتمع منافق مُزدوِج المعايير.. تحيّة من القلب لكل حدا اشتغل على هالفيلم ولكلّ إنسان مؤمِن بِفَنّ حرّ ومُستقِلّ... بعرِف رح يكون في كتير تعليقات سلبيّة.. كان في ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن، وكتير بحترم مشاركتُن بهالعمل، وواجِب عليّ وعلى كل انسان بفَكِّر متلناانو يوقف بصَفُّن.. بعتذر
اقرأ أيضًا.. فيلم أصحاب ولا أعز كامل hd.. يثير الجدل بسبب دعمه للمثلية
