”مش لازم أعمل دور إغراء عشان أبقى زيك”.. منة عرفة توجة رسالة نارية لـ إلهام شاهين

وجهت الفنانة منة عرفة رسالة نارية إلى الفنانة إلهام شاهين بعدما وجهت لها انتقادات في الفترة الأخيرة بتصريحاتها بعدم مشاركتها في أي مشاهد تحمل مشاهد ساخنة أو أحضان.

وقالت منة خلال استضافتها ببرنامج "كلام الناس" المذاع علي قناة "MBCمصر": "أحترم رأي إلهام شاهين لما قالت اللى مش عايز يتباس ويشارك في مشاهد ساخنة وإغراء يقعد في البيت"، مضيفة: "ردى علي الهام شاهين إن كل فنان عنده مبادئه والحاجات اللى مقتنع بيها ومؤمن بيها، وهي عندها مبادئها واللى مؤمنة بيها، أنا مش بقول قال الله وقال الرسول، ولكن مش لازم أعمل إغراء علشان أبقى فنانة زيها".

اقرأ أيضًا: تطورات الحالة الصحية للفنانة عبير صبري بعد إصابتها وزوجها بكورونا

وعن الشائعات التي تداولها رواد مواقع السوشيال ميديا مؤخرًا حول طلاقها من زوجها قالت: "أنا وزوجي منفصلناش ومحصلش طلاق بيننا زي ما الناس فهمت كان فيه مشكلة بيني وبين جوزي وحصل فيها سوء فهم منه ولما حصل سوء الفهم قعدنا مع بعض وحصلت خناقة فالموضوع سخن فجأة قلنا هنتطلق وكنا ماشيين في إجراءات الطلاق وهنتطلق فهو تسرع وراح منزل إن تم الانفصال فرديت عليه، ولكن رسميًا إحنا منفصلناش والأهل لما تدخلوا زودوا المشكلة ولكن محصلش طلاق".