بعد إثارته للجدل.. كريم الحسيني يكشف السبب الحقيقي لمشروع المشروبات الساخنة
علق الفنان الشاب كريم الحسيني على الجدل المثار حوله مؤخرًا بعد افتتاحه لمشروع جديد لبيع المشروبات الساخنة في الشارع عن طريق سيارة متنقلة.
وقال كريم الحسيني في مقطع فيديو تم تداوله على موقع التواصل الاجتماعي: "أشكر الفنانين والناس على مشاعركم النبيلة، وعلى تقديم المساعدة لي، ولكن أحمد لله لأن الله ستر وضعي المادي".
وأضاف: "ولكني لجأت لذلك المشروع كي لا أضطر للمشاركة في أعمال أنا لا أرضى عنها، مثل أفلام دون المستوى، وفي نهاية المطاف تُحسب بمشواري الفني.. وبالفعل لم أحصل على عمل درامي أشارك به في رمضان 2022، ولكني قررت أن أفتتح مشروع جديد بخلاف الفن".
وتابع كريم الحسيني: "مثل أي فنان يفتتح مشروعا جديدا مثل المقاهي أو المطاعم، ولعل مشروع بيع المشروبات الساخنة في الشارع مخاطرة أقل، لذا فكرت في افتتاحه، لأنه يمكن أن يخاطر الإنسان بافتتاح مقهى جديد وينتهي به المطاف بفشل المشروع".
واستكمل كلامه: "بشكر كل الناس اللي فكرت في حاجة خير زي دي، والناس اللي دعمتني وكانوا فخورين بيا، وناس كتير قالت كان نفسها تفتح المشروع بس مكسوفين، وأنا مش مكسوف الحمد لله الشغل مش عيب".
اقرأ أيضًا: أحمد العوضي عن مشروع كريم الحسيني: «رجولة وشرف».. فيديو
واختتم كلامه: "وأعمل اللي أنت عايزة وخليك متمسك بحلمك، واللي يخليك متمسك بحلمك، وحاليًا أنا على ذمة مسرحية زقاق المدق، ومبسوط بيها جدًا وهنكمل في العيد تاني إن شاء الله.. عندي عرض أمر تكليف مشروع من 2018، وهنلف بيه قنا والمنيا ومحافظات تاني، ومبسوط جدًا إن العرض ده راجع".
وقال أيضًا: "وكل الناس اللي حوالينا عارفين أن موظفين مسرح الدولة بيشتغلوا حبًا في المسرح، وبنصرف فلوس كتير أقل من اللي إحنا بناخده؛ لأننا هنعمل حاجة هتأثر في الناس بعد ما نمشي، وبشكركم على مشاعركم النبيلة".
