تقترب من 15 مليون مشاهدة.. ويجز يواصل تصدر بأغنية «البخت»
واصلت أغنية "البخت"، لمطرب الراب ويجز، تصدرها موقع الفيديوهات العالمي "يوتيوب"، وذلك منذ طرحها مؤخرا، في فبراير الماضي، حيث اقتربت من تحقيق 15 مليون مشاهدة.
وجدير بالزكر، منذ طرح أغنية "البخت" زادت عمليات البحث عن كلماتها، والتي أعرب بعض رواد التواصل الاجتماعي إنهم لا يفهمونها بسهولة.
كلمات أغنية "البخت"
"عيني منها بشكل جدي.. وتقيلة مش تقلانة اتبخر سحري..ومش باجي على بالها ومفكرتشي
أنا بالي فيها بابا بالي مش ملكي.. بلعب البخت سألتها ورفضتني..استغربتها أمال فين هيبتي
حبيبي أنا بضحك على خيبتي.. ياخي كنت على الثبات وهزتني
واللي فات دا كان سحري.. مش باجي على بالها إن جات سيرتي
أنا بالي معاها مش ملكي
قالت كلام قبل ما تشوفني.. عارفني صعب ومش مفهوم
كلامي دبش أو مش موزون أو بتحب حد والبال مشغول
مشوفتوهاش ولا حد يلومني.. ملاك بريء ولا أنا مخدوع
هي توتر ولا أنا مهزوز.. طب أذاها حد والكل مرفوض.. ولا إيه القصة حبيبي فيدني
واللي أذوك ياما حبيبي سيبني.. أخلي الجاي ورود وشموع.. يتغنالها وبصوت مسموع
ولا إيه القصة حبيبي فيدني.. واللي أذوك ياما حبيبي سيبني
انسيك ماضي كله دموع.. ولا مقدرش أسيبك موجوع
سحرتني ولا سحرتلي.. وعيون مش محتاجة تسحرلي.. مش عايزة تجيبني بس جابتني.. ونسيتني وفي قصتي حبستني
والله ووقعت بفكر فيك كتير بالي عليك مشغول.. وأنا بتصعب عليا حالي وأنا بكتبلك كلام معسول
بعيد عن عيني ويا عيني مع غيري، ومش مبسوط.. دا أنا أضيع عمري يا عمري وأحبك حب مش مشروط
لا تلاقي عندي وعود كدابة.. وكبرت على ولا شيء مضمون.. كلامي على قد اللي معايا ..في الحب مستناش مردود
براحة على قلبي المكسور.. اللي مشكلته أنه فيك مسحول.. مين اختار اللي عينيك عملوه.. وده مش ذنبي أنا صحيت محطوط
ولا إيه القصة حبيبي فيدني.. واللي أذوك ياما حبيبي سيبني.. أخلي الجاي ورود وشموع.. يتغنالها وبصوت مسموع
ولا إيه القصة حبيبي فيدني.. واللي أذوك ياما حبيبي سيبني.. انسيك ماضي كله دموع.. ولا مقدرش أسيبك موجوع".
اقرأ أيضًا: تفاصيل ميني ألبوم فضل شاكر الجديد «بجامل ناس»
وفي سياق آخر، سيحيي ويجز حفل غنائي برفقة مروان بابلو، و عفروتو، ومن المقرر أن يكون موعد الحفل يوم 14 مارس الجاري في بوليفارد الرياض، وتم طرح التذاكر عبر الموقع الرسمي لموسم الرياض، وسط إقبال كبير من الجمهور، حيث نفذت تذاكر بعض مدرجات المسرح في الدقائق الأولى لطرحها.
