من هو مكتشف محمد هنيدي؟.. لن تصدق

كشف النجم محمد هنيدي، عن الشخص الذي اكتشف موهبته الفنية، عندما كان يدرس في كلية حقوق، وذلك أثناء فقرة الأسئلة والأجوبة مع جمهوره ومتابعيه التي يقدمها كل فترة عبر السوشيال ميديا.

من هو مكتشف موهبة محمد هنيدي؟

سأل أحد الجمهور محمد هنيدي، عن الشخص الذي اكتشف موهبته، فرد الفنان وقالت على "فيسبوك": "عارفين هشام منصور الممثل؟ اللي كان عامل في صعيدي في الجامعة الأمريكي مشهد هي دي شقة المعلم فوزي ومراته الجديدة، أول يوم في حقوق هو كان رئيس فرقة التمثيل فلقيت واحد جاي بسرعة كدة عليا وبينهج وكأنه هيضربني بيقولي أنت عايز تمثل بقوله إيه قالي نفسك تمثل؟ قولتله مش فاهم؟ قالي اسمك إيه اسمك إيه وبيزعق كدة، قلتله محمد هنيدي قالي خد إمللأ الورقة دي قلتله ورقة إيه قالي املاها من غير كلام".

وتابع محمد هنيدي روايته للموقف وقال: "طبعًا أنا خوفت خصوصًا إنه كان أطول مني، بعدها تاني يوم بليل كدة، لقيت الباب بيخبط بفتح لقيته على الباب وبيسألني.. هي دي شقة محمد هنيدي، قولتله يخربتيك أنا محمد هنيدي انت إيه اللي جابك، قام قايلي مش تكتب عنوان صح بقالي ٣ ساعات بدور عليك، انتوا طابخين إيه، دخل وكل معانا ومن يوميها بقى صاحبي وحبيبي".

أقرأ أيضًا..

هنيدي يروي موقفا محرجا تعرض له مع الراحل علاء ولي الدين: «سددنا تمن أكله على 6 شهور»

محمد هنيدي يتفاعل مع الجمهور على السوشيال ميديا

يشار إلى أن محمد هنيدي، قرر أن يرد على أسئلة جمهوره عبر حسابه على السوشيال ميديا، وكتب على "فيسبوك": "اسألوا اي اسئلة عايزين تسألوهاني واخر سؤال هجاوب عليه هيكون مع اخر بوق ميه قبل اذان الفجر".