«دماغ شغالة مش بتنام».. محمد هنيدي يشعل السوشيال ميديا بمشروعي «الكلسون والتين الشوكي»

أشعل النجم محمد هنيدي، السوشيال ميديا بشكل كبير خلال الساعات القليلة الماضية، بسبب أفكاره لمشاريع جديدة، ولكن بشكل ساخر، مما أدى إلى تفاعل الجمهور معها.

مشروع محمد هنيدي الجديد

وأعلن محمد هنيدي، عن مشروعه الجديد "الكلسون والتين الشوكي"، عبر حسابه الشخصي بموقع "فيس بوك"، قائلا: "أنجح مشروع دلوقتي ممكن تعمله (عربية تين شوكي) تشتري قفص ب 100 جنيه فيه 150 حباية.. تلبس الكلسون وتدخل الساحل وتبيعلهم الواحدة ب 100 جنيه، يعني ال 100 جنيه هتعملك 15 ألف جنيه".

وتفاعل العديد من الجمهور مع منشور "هنيدي"، ومن أبرز التعليقات التي جاءت له: "الله عليك يا فنان مش عارفين قيمة مشاريعك دي، ولما تبيع العربية كلها تاخد الأرباح وتطلع بيها الساحل تشتري بيهم تين شوكي تاكله ع البسين، دماغ شغالة مش بتنام، عجباني مشاريعك الاقتصادية النهاردة، كفاية اقتراحات بأه".

وكان محمد هنيدي، نشر قبل ساعات عبر صفحته الشخصية على "فيس بوك" صورة له من فيلمه الشهير "صعيدي في الجامعة الأمريكية"، حتى يكشف عن مشروعه الجديد، بطريقة ساخرة.

وكتب: "مشروع القرن: لكل الرجالة والشباب اللي كانت بتتمنع أو بتتكسف تنزل الشواطئ بكلسوناتها.. قدرت أحل المشكلة وأحولكم الكلسون لبراند.. هتقدر تنزل بيه 177 شاطئ في مصر من أفخم الشواطئ، محدش هيقدر يمنعك ولا يتريق غليك لأنك لابس براند ب 6 آلاف جنيه.. يشمل الدخول لكل الأماكن الغالية والشواطئ والفنادق اللي فوق 50 ألف جنيه في الليلة، وممكن تدخل بيه من بوابات مارينا بدون ما حد يكلمك.. أول ما يشوفوا الكلسون هيدخلوك على طول.. متوفر بكل الألوان وألوان الطيف (ناقصه لون)".

إقرأ أيضًا .. خريطة حفلات الغناء في شهر أغسطس المقبل. كاظم الساهر الأبرز

يذكر أن الفنان محمد هنيدي، كتب منشورًا مساء أمس وطالب فيه جمهوره بتقديم اقتراحات لمشروعه الجديد: "طلب مساعدة: عايزكم تقترحولي مشروع كده أعمله .. من المشاريع اللي بتيجي فكرتها للواحد وهو قاعد ع القهوة وبيضرب شاي نعناع ومعاه إزازة المياه المشبرة من فلتر حنفية القهوة عشان المياه المعدنية غالية".