عاجل| «رمينا عليها مياه نار».. المتهم يروي تفاصيل حالة المذيعة شيماء جمال قبل قتلها

أدلى أيمن حجاج المتهم بقتل المذيعة شيماء جمال، أمام النيابة العامة، بأقواله واصفا الحالة التي كانت عليها شيماء قبل دقائق من إنهاء حياتها بعد أن اكتشفت أنها داخل كمين أعده لها زوجها بالاشتراك مع شريكه حسين الغرابلي، وبدأت في الاستغاثة في محاولة منها لإنقاذ أي شخص حياتها.

وقال حجاج أمام النيابة العامة، إن آخر الكلمات التي نطقت بها المذيعة شيماء جمال، قبل قتلها هي توسلات منها بعد صراخ واستغاثات، قالتلي «حرام عليك سيبني أعيش وخد مني كل حاجة، أنا عندي بنت محتاجة ليا»، لكن الانتقام كان قد اعمي بصري بعد مساومتها لي، «أنا مسمعتش كل الكلام اللي كانت بتقوله، وفضلت اضرب فيها بالمسدس اللي كنت شاريه على رأسها لغاية الدم ما طلع من كل حتة وماتت».

اقرأ أيضا: عاجل| متأثرا بتهتك في الرأس.. مصرع أخ على يد شقيقه في الدقهلية

وتابع: «بعد ما ماتت ربطنا جثتها بسلاسل وسحبناها للقبر اللي كنا حفرينه أنا وحسين الغرابلي شريكي، وقلبناها فيه ورمينا عليها مياه نار، علشان نشوه معالم الجريمة وردمنا عليها وسيبناها ومشينا».