«فرق كبير أوي بينك وبين الكابو».. السر وراء هجوم نجل حميد الشاعري على حلمي بكر

أثار نديم نجل الفنان الكبير حميد الشاعري، ضجة كبيرة خلال الساعات القليلة الماضية بعد أن هاجم الملحن حلمي بكر بعد حديث الأخير عن والده مؤخرًا.

وكتب نديم الشاعري في منشور عبر صفحته الشخصية بموقع التواصل الاجتماعي "فيسبوك": "أستاذ حلمي لو محتاج مساعدة ماديا أو نفسيا الكابو مش هيتأخر عليك لكن مينفعش كل ما تتزنق تروح برنامج تجيب سيرة حميد الشاعري".

وتابع: "اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا".

نجل حميد الشاعري يهاجم حلمي بكر

واستكمل نجل حميد الشاعري كلامه: "فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي متردش على حد، لكن ولاده كبروا ومش هيسمحوا إنك تقطع في أبوهم".

وأضاف: "هو حضرتك بجد فاكر إن حميد هو اللي بوظ المزيكا في مصر؟؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده".

وتابع: "والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.. حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس".

اقرأ أيضًا: بعد تصدره التريند.. من هو شاهين صاحب أغنية «سترة» مع عباس أبو الحسن

تصريحات حميد الشاعري

ومن جانبه، قال المطرب حميد الشاعري في تصريحات تلفزيونية سابقة له: "حلمي بكر تاريخ لكن هجومه على شخصي وعلى مشروعي زيادة شوية لمدة 10 سنين وأنا لم أرد".

واستكمل قائلًا: "مرت الأيام وجاء المنتج أحمد العريان إلى صوت القاهرة وطرح علي فكرة أوبريت الحلم العربي، وكان من ألحان حلمي بكر وصلاح الشرنوبي، وكلمات مدحت العدل وكان أول تعاون بيننا".