فيلم بحبك تامر حسني.. كيف تفوقت هنا الزاهد بجوار نجمها المفضل؟
فيلم بحبك تامر حسني مازال حديث الجمهور عبر مواقع التواصل الاجتماعي، بعد هجوم البعض على أداء تامر حسني وكذلك دخوله منطقة الإخراج والتأليف السينمائي، ما جعل فيلم بحبك تامر حسني في مهب الانتقادات، لكن هناك البعض الآخر أشاد بدور هنا الزاهد مشيرين إلى أنها تفوقت على تامر الذي كانت تعتبره منذ طفولتها نجمها المفضل.
ويرصد "الطريق"، آراء الجمهور على فيلم بحبك تامر حسني من حيث الأداء بينه وبين هنا الزاهد.
تعليقات الجمهور على فيلم بحبك تامر حسني وهنا الزاهد
علقت إحدى الفتيات اللاتي شاهدنَ فيلم بحبك تامر حسني، على أداء هنا الزاهد وكتبت: "هنا الزاهد من الممثلات القلائل اللي بالرغم من جمالها العالي وملامحها اللي شبه العروسة الباربي، لكن بجد موهوبة جدًا وعندها تطور ونضوج كل عمل عن العمل اللي قبله، وحاليا مش زي ما بدأت خالص، مش معتمده على شكلها بس زي غيرها واللي يمكن أقل منها جمالًا، في فيلم بحبك أدائها كان مميز لما تعيط تدمع معاها ولما تضحك وتقول أفيه تضحكك من قلبك كمان وتحسها بنت تدخل القلب بجد".
وتابعت: "بجد من المرات القليلة اللي أشيد بموهبة ممثل أو ممثلة بس حقيقي بحبها وهتكون ممثلة ثقيلة بجد في المستقبل مش مجرد كوميديانه حلوة، في المشهد ده مثلا الحوار مش ماشي مع جمالها خالص بس مع أدائها ودموعها مجبر تصدقها وتبكي معاها".
وكتب الصحفي حسين الجندي تحليله لدور هنا الزاهد، وقال: "من المكاسب الأهم في موسم أفلام عيد الأضحى تألق كبير ونقلة حقيقية في مشوار هنا الزاهد بدور حبيبة في فيلم بحبك تامر حسني، هنا الزاهد بتقدم واحدة من أفضل أدوارها وبتصنع فارق رهيب في الفيلم بأداء مختلف وحقيقي؛ وقدمت إحساس كبير وأظهرت موهبتها بشكل قوي، وكشفت إنها تستحق الكتير، وبشوفها من أفضل الفنانات اللي قدمت أدوار الرومانسية في 3 سنين اللي فاتوا".
وتوقع أخر أن فيلم بحبك تامر حسني سيكون غير جيد كما علق البعض، لكن توقعاته جاءت عكسية، وكتب: "قبل ما أدخل الفيلم حرفيًا من البوستات والناس اللي بتقول أسوأ فيلم لتامر وكلام كتير بس عادي يعني كدا كدا كنت هدخل الفيلم، ده تامر يعني، بس مرفعتش سقف توقعاتي خالص بالعكس كنت كمان بقول هيبقي وحش أوي على اللي شوفته وبعد ما دخلت الصراحة الفيلم عاجبني جدًا، ومش أنا لواحدي أنا وأصحابي وكل القاعة تقريبًا خارجين مبسوطين من الفيلم".
وتابع: "الكوميدي كان فيه مشاهد تضحكك أوي والدراما حدث ولا حرج، هنا الزاهد عملت دور عمرها كنت بحس إن هي بتعيط حقيقي مش مجرد فيلم بتمثل فيه حقيقي دورها كان جميل جدًا، نيجي لنقطة تانية وهي الأغاني اللي في الفيلم تحفة وفي مكانها يعني مش برة أحداث الفيلم الصراحة شوفت الفيلم وكله على بعضه كدا عجبني جدًا، ومش تطبيل ولا حاجة والله لأن في آخر الفيلم كله سقف وكانوا خارجين مبسوطين".
اقرأ أيضًا..
درة: مسلسل المتهمة فريد من نوعه ويضم 10 حلقات.. خاص
فيلم بحبك تامر حسني
فيلم بحبك من إخراج وتأليف تامر حسني، وبطولة تامر حسني، هنا الزاهد، هدى المفتي، حمدي الميرغني، مدحت تيخا، عمرو صحصاح.
