أحمد موسى يطالب بعدم الانسياق وراء الشائعات بشأن حرائق الكنائس - فيديو
علق الإعلامي أحمد موسى، على الشائعات المتداولة حول حرائق الكنائس مؤخرًا قائلًا: "مفيش مسئول في البلد ممكن يقول أن حرائق الكنائس ماس كهربائي، محدش يقدر يقول كدا، مش عايزين نجري وراء ناس تروج كلام غير دقيق".
اقرأ أيضًا: أحمد موسى: حدوث 3 حرائق بالكنائس يطرح عدة تساؤلات «فيديو»
وأضاف «موسى»، خلال تقديمه برنامج «على مسئوليتي»، مساء اليوم الثلاثاء، والمذاع على قناة «صدى البلد»: "أشتغلنا كتير في المجال ده، ومر علينا حرائق كثيرة جدًا، ماس كهربائي ، وحرائق كثيرة ليست ماس كهربائي، على مدار 30 سنة، يإما الداخلية أو النائب العام بيطلعوا يقولوا اية السبب، محدش تاني يتكلم".
اقرأ أيضًا: مؤسسة «حياة كريمة» تطلق أول فعالية توعوية موسعة في الفيوم لمدة 6 أيام.. فيديو
وأوضح «موسى»: "أنتوا عارفين مين الي بيكتب على مواقع التواصل الاجتماعي؟، هل كان موجود وقت الحريق؟ لا طبعا، محدش كان موجود، الي يقدر يقول ده ماس ولا شيء تاني هي تحقيقات النيابة من خلال الأدلة الجنائية للمعمل الجنائي والي هيقول ما سبب الحريق؟، في النهاية لا يوجد شخص ممكن يخبي جريمة أو حادث".
اقرأ أيضًا: «أنا لا أدافع عنه».. أول تعليق للإعلامي سيد علي بشأن منشور نجيب ساويرس
وتابع: "في ناس بتسخن الدنيا، وفي ناس عايزة تولع البلد، وفي ناس عايزة تعمل فتنة، وناس عايزة الموضوع لا يهدأ، أي كان الناس دول مين، أنا مش بشاور على حد بعينه، أنا بتكلم بشكل عام، وهل الدولة ليها مصلحة لإخفاء أي دليل في الحريق؟ لا ، الدولة والنيابة العامة والداخلية أيضًا مصلحتها الحقيقة أنها تبين الحقيقة، وليس هناك مصالح لأحد لإخفاء جريمة".
وواصل: "بالمناسبة أي حد بيرتكب جريمة بيدفع ثمنها، أي حد عليه قضايا وأحكام بيدفع ثمنها، أي كان الشخص ده مين وسلطته اية، هي ده دولة القانون، الحمدلله أنه لا يوجد إصابات، مسئولين الكنيسة ووزارة الصحة والنيابة العامة والجهات المعنية أكدوا كدا، هل في مصابين ليسوا في المستشفى مثلًا؟، هل حد عنده مصاب ولم يعلن عنه، أنا عايز الناس تبقي هادية، لأنه طبيعي بتحصل حرائق وحوادث كتير".
