فريدة سيف النصر: هناك مخطط لهدم الفنانين..ليه بتحاربوا ثمن عدد البلد؟
أعربت الفنانة فريدة سيف النص عن غضبها الشديد من تعامل الناس مع الفنانين، من خلال حسابها الخاص بموقع التواصل الإجتماعي "فيس بوك"، حيث دشنت بوست تتحدث من خلاله مع الجمهور، وبالأخص بعض تعليقات الجمهور على الفنانين من خلال مواقع التواصل الإجتماعي.
وكتبت فريدة، أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه بنستخبى ورا شاشات وننزل نحر رقاب بعض.
وأكدت فريدة، الكلمة القاسية بتذبح بقينا نكديين مانعرفش نفرق بين جد وهزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة.
وتابعت فريدة، في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية مالكم في إيه بجد هما الناس دي ماأسعدتكمش أعمالهم فترات من الزمن، طيب بلاش إنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت 14 مليون متخيلين.
وأضافت فريدة، كل المهن شغالة معانا تحت إيديهم كام عامل وأسطى كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم.
وأختتمت فريدة، اقروا كده المسلسل ببكتب ناس قد إيه عماله في العمل شوفوا وقولولي، كفاية هدد في الفن، الوحش انقدوه بأدب والكويس شجعوه، إنما تهزئوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قرروا إيه، هانشتم من ورا الشاشة ولا هنقول كلام نصح حلو يا باشا.
ويذكر أن أخر آعمال الفنانة فريدة سيف النصر مسلسل "موسى" الذي شاركت من خلاله بشهر رمضان لعام 2020، وكان يقدم بطولتة الفنان محمد رمضان.
