منى فاروق تتصدر تريند جوجل بعد تصريحاتها الأخيرة: «هتروحوا النار»
تصدرت الفنانة منى فاروق، خلال الساعات الماضية تريند مؤشر البحث العالمي "جوجل"، وذلك بعد تصريحاتها المثيرة في بث مباشر على حسابها الشخصي، بموقع تبادل الصور والفيديوهات إنستجرام.
ودائما تتصدر منى فاروق، التريند بسبب تصريحاتها المثيرة أو إطلالتها الجريئة، خاصًة وأن الجمهور لم يتقبلها بعد أزمتها الأخيرة مع المخرج الشهير.
ونستعرض لكم أبرز تصريحات منى فاروق في البث المباشر بالسطور الآتية:
*مالكومش دعوة بحياتي.. خليكم في حالكم أنا ما بخفش.. واللي بيقولوا عني كلام وحش هتروحوا النار.
*استغربت جدًا وكنت مستاءة الحقيقة.. وعموما هذه هي الصورة قولوا لي معلش هو ده قميص نوم؟ هي دي وصلة رقص ساخنة؟.
*كل البنات بتلبس فساتين صيفي عادي يعني أنا حرة، ليه نازلين فيا جلد ده ربنا بيسامح وبيغفر لعباده الذنوب، إنتوا إيه ملايكة يعني؟ عمومًا أنا أحسن منكم أنا ربنا أنعم عليا بستر جديد، خدوا بالكم رصيد ستركم هيخلص من كتر الأذى والشر اللي بتعملوه فيا، وربنا عقابه شديد.
*إنتوا بتتكلموا في عرضي ليه؟ خافوا ربنا شوية إنتوا خسارة أقول عليكم بني آدمين، والله إنتوا عديتوا الشر حسبي الله ونعم الوكيل في كل شرير وحاقد وحاسد.
*ربنا موجود وهيعوضني خير وأنا في حماية ربنا.
تهديد منى فاروق لمنتقديها على السوشيال ميديا
سبق وهدتت منى فاروق، كل من ينتقدها أو يهاجمها، من خلال نشرها مقطع فيديو لها على خاصية "الاستوري" بحسابها الشخصي بموقع تبادل الصور والفيديوهات إنستجرام.
وقالت منى، خلال مقطع الفيديو: "هاي صباح الخير، أنا عايزة بس أقولكم على حاجة مهمة، أي حد بينقدني أو أي حد بيقول عني أي حاجة غير لائقة أنا هقاضيه، يا لا بقى نعيش مع بعض شوية".
وتابعت: "إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك، مين إنت علشان تحكم عليا إني هدخل جهنم؟ خلاص هتجلدني يعني؟ حطيت نفسك مكان ربنا؟".
وأضافت: "الناس بتقول كانت بتطلع تعيط ودلوقتي عايشة حياتها، إنت مالك برضه، حياتي أنا حرة فيها".
واختتمت: "أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية، شوفولكم شغلانة تانية وسيبو اللت والعجن ده للستات".
اقرأ أيضا: سعد لمجرد يعلن زواجه من صديقته.. وهكذا هنأه نجوم الفن
