ليلى أحمد زاهر تكشف عن دور تتمنى أن يقدمه والدها وعلاقتها بـ ملك

تحدثت الفنانة ليلى أحمد زاهر عن علاقتها بوالدها وأختها ملك وعن الفنانين التي تتمنى أن تقف أمامهم، وذلك خلال تصريحات تليفزيونية لها.

وقالت: "والدي غول تمثيل بجد وأحسن ممثل في العالم، عشان بيعرف يقدم شخصيات كتير مختلفة، مثل: فرج في مسلسل كلام على ورق، وأتمنى يقدم عمل كوميدي لأنه دمه خفيف قوي".

وعن علاقتها الشخصية به: "هو دايمًا بيشجعني وفخور بينا كلنا، ويابختي بيه عشان هو دايمًا في ضهري ومن غيره مكنتش هعرف أعمل حاجات كتير".

اقرأ أيضا.. في عيد مولدها.. 3 نجاحات لـ هند صبري في عام 2022

وعن السينما، قالت: "بتبسط لما بروح أتفرج على السينما وأتعلم حاجات كتير، وممكن اللى بتفرج عليه يضيف ليا حاجة جديدة، ونفسي أقدم أفلام كتير ونفسي أشتغل مع كريم عبد العزيز وأحمد عز".

وعن علاقتها بشقيقتها "ملك"، أضافت: "كنا دايمًا ناقر ونقير وبنتخانق، بس مع الوقت بقينا أقرب صحاب لبعض وعلاقتنا بقت أحسن بكتير، وملك أحلى حاجة في حياتي وأقرب واحدة ليا، ومش بعرف أخد خطوة من غير رأيها".

اقرأ أيضا.. في هذا الموعد.. باسم سمرة ضيف برنامج «حبر سري»