شيرين رضا ترفض إقامة حفل زفاف لابنتها: «لا نؤمن بهذه الأشياء»
تحدثت الفنانة شيرين رضا عن زواج ابنتها "نور عمرو دياب"، وعن رفضها لإقامة الأفراح، وذلك من خلال لقاءها في برنامج et بالعربي.
قالت شيرين رضا: "إحنا معندناش الأفراح ولا نؤمن بهذه الأشياء، وأنا نفسي ملبستش فستان فرح في الحقيقة لبسته في التمثيل بس، هو كل واحد حر في حياته يعمل اللي هو عايزة".
رفض ابنة شيرين رضا لإقامة الأفراح
وأكدت على رفض نور لإقامة فرح، قائلة: "لا هي مش عايزة تعمل فرح عشان إحنا مش كده، ومتربيناش كده ودي أفكار شخصية، أنا بشوف إن الحفلة الكبيرة دي فلوسها كتير قوي، هما ممكن يستمتعوا بأى طريقة بدل فستان الفرح اللي غالي جدًا والفرح اللي بيكلف كتير وكل ده عشان ليلة واحدة، هى ممكن تستفاد بالفلوس دي في حاجة تانية".
اقرأ أيضًا.. لأول مرة.. محيي إسماعيل يروي أسرار حياته في ضيافة برنامج حبر سري
شيرين رضا ترفض عادات وتقاليد الأفراح
وأضافت: "لسه محددناش هنعمل إيه؟، بس هو ده اللي هيحصل في الآخر هتكون حاجة صغيرة، المهم إن هى وجوزها وأهلها وأهله وأصدقائهم المقربين يكونوا فرحانين ومبسوطين، لكن إننا نعزم ناس مشوفنهاش من سنين فاتت ولازم نعزم عشان محدش يزعل، الكلام ده مش هيحصل، والعريس وأهله موافقين على كده".
