«أنا ست متربية».. لوسي تكشف سبب ضربها لأحد أبطال مسرحية الحفيد

كشفت الفنانة لوسي حقيقية تعديها بالضرب على أحد أبطال مسرحية الحفيد على خشبة المسرح، موضحة أنها لم تفعل ذلك التصرف بل هي التي تعرضت لبعض الألفاظ والسخرية أمام جمهورها.

وأوضحت لوسي خلال تصريحات تليفزيونية لها قائلة: "أنا ست متربيه والمسرح مليان كاميرات تقدر تجيب الواقعة لو حصل ده أصلا، ولو حد قل أدبه عليا مبردش الإساءة بالإساءة، كل دي اتهامات ملهاش معني وكلها كيدية، أنا حفرت في الصخر عشان أعمل اسمي ومش هضيع مجهودي كدة بالساهل".

واستكملت لوسي: "تعرضت للإهانة من زمايلي الفنانين المشاركين في عرض المسرحية مع أني بكون في ضهرهم وبساعدهم وبكون ليهم على المسرح أخت وأم مش فنانة، ومقدرتش أتكلم عشان الجمهور اللي قاعد بيشفنا ولكن إهانتي والتنمر عليا من ورا ضهري مش هسكت عليها أبدا".

أزمة مسرحية الحفيد

وقال الفنان تامر فرج خلال مداخلة هاتفية في أحد البرامج التليفزونية: "حقيقي أنا بضحك من قلبي لأن الكلام واضح واي عقل بشري سليم هيفهمه، يعني إيه؟ احنا بنعمل كل ده عشان عايزينها تطلع معاناة ونضحك عليها".

كما أوضح تامر فرج وقال: "في كاميرات ومخرجين بيكتبوا ملاحظاتهم لو دا حصل هيتثبت، والموضوع بقي محزن ونضحك في نفس الوقت، وأنا مش هتنازل عن اللي اتقال أنا عارف إن الفنانة هتنكر كلامي".

موضحًا: "الفنانة بتتنرفز وتتعصب على المسرح وبتفهم حاجات كتير غلط، وربنا يديها الصحة في أمور كتير بتتلغبط بسببها".

وأضاف أخيرًا: نفسي المسرحية ترجع تاني لأنها فاتحه بيوت شباب كتير والمشركين دي هي مستقبلهم، وبسبب اللي حصل دا أتقطع عيشهم، ولو المسرحية رجعت هترجع مني غير لوسي، لأنها السبب في اللي بيحصل دا وهي الوحيدة اللي قدمت البلاغ بهدف وقف المسرحية.

اقرأ أيضاً: في أول أيام عرضه.. أخي فوق الشجرة يحقق 383 ألف جنيه