«يا جعجاع يا سوابق».. إبراهيم فايق يرد على من شتم أمه «فيديو»
رد الإعلامي إبراهيم فايق، عبر صفحته الشخصية، على موقع التواصل الإجتماعي " فيس بوك"، على الهجوم الحاد عليه، وسب والدته وهي" متوفية"، بألفاظ خارجة.
وذكر إبراهيم: "الحمد لله الواحد طالع من البيت متربي، أبويا شقي أوي على تربيتي وأمي الله يرحمها زرعت فينا حاجات كتير جدًا لسه عايشين بيها لدلوقتي".
وأضاف: " ناس كتير بتفهم إن المحترم بيتأكل حقه، بس ده مش حقيقي، المحترم بيعرف يرد على أي "حشرة" تغلط فيه، الأمر زاد عن حده، ووصل إلى ما لا يطيقه بشر" .
وأكمل: " ناس كتير بتقولي لا ترد، وناس تقولى لا تصارع خنزيرًا في الوحل، وناس تقولى هو بيقول كده كل يوم، "الصمت لغة العظماء".
وأضاف: لكن أنا بفهم حاجه واحده بس، إن الانسان بيعيش مرة واحدة، إلى الشخص سئ الذكر، صاحب الـ 80 عام، بكره لما تنزل تحت في القبر، هتشوف دعوات الناس دي كلها عليك، هتبقي نار عليك إن شاء الله .
وأكمل:" شتيمتك لوالدتي، اللي جزمتها برقبتك أنت ومليار واحد زيك، أنت جعجاع وده آخرك، وأنا مش فارق معايا أي حاجه ".
واختتم فايق: " هعيشها مرة واحدة مرفوع الرأس، يا سباب يا جعجاع يا سوابق، بالقانون هاخد حقي بالقانون، عليك حكم في المحكمة، والواحد بقي قرفان أنه يقول اسمك، وده الي تستحقه بالمناسبة.
اقرأ أيضًا: يحلم بمدريد.. دوشان فلاهوفيتش يسعى للهروب من جحيم يوفنتوس
