الفن

بموقف وكلمات مؤثرة.. أشرف عبد الباقي يُحيي ذكرى وفاة علاء ولي الدين

السبت، 11 فبراير 2023 02:27 مـ بتوقيت القاهرة

حرص الفنان أشرف عبد الباقي على إحياء ذكرى رحيل الفنان علاء ولى الدين، الذي توفاه الله في مثل هذا اليوم عام 2003، عن عمر يناهز ال39 عامًا.

أشرف عبد الباقي يروي موقف بينه وبين علاء ولى الدين

نشر أشرف عبد الباقي صورة للراحل علاء ولى الدين، وعلق: " ربنا يرحمك يا علاء، زي النهاردة من عشرين سنة اتوفى ربنا يرحمه ويغفر له، وبرغم إن فات عشرين سنة علي وفاته لكنه كان ومازال أقرب صديق ليا، أول مرة اطلع عمرة كان معاه واحنا رايحين للكعبة قالي بص في الأرض لحد ما نوصل والكعبة تكون باينه وأقولك بص وادعي ويمكن الحكاية دي بقيت اعملها مع أي حد بيعمل عمرة لأول مرة وادعي لعلاء".

وتابع: "في حياته كنت بشوف الخير اللي بيقدمه لناس كتير وبتعلم منه، وعلاقتنا كانت أكتر من الأخوات، وكنت بشوف من خلاله باقي صحابنا لإنه كان مضياف وكريم وكنت في بيته بحس إني في بيتي ووالدته زي والدتي، ووقت ما كنت بحس إني متضايق كنت بروحله".

أشرف عبد الباقي يروي يوم وفاة علاء ولى الدين

وأضاف: "مكنش بيعدي يوم إلا لما نتقابل أو نتكلم، ويوم وفاته كان أول يوم عيد الأضحى وبعد ما وقف على الأضحية اتوفى، وكان عنده معاد في المسرح لعرض مسرحية لما بابا ينام التي انتهت بوفاته، ربنا يرحمك ويصبر أهلك وأصحابك اللي عمرهم ما هينسوك".