الفن

نادية الجندي تكشف سر جمالها وحفاظها على رشاقتها.. فيديو

الإثنين، 13 فبراير 2023 09:46 مـ بتوقيت القاهرة

كشفت الفنانة نادية الجندي، عن سر جمالها ورشاقتها، وعن رأيها في عمليات التجميل، مؤكدة أنها ترفض تغيير ملامحها بالعمليات التجميلية، وعن شرط عودتها للسينما.

قالت نادية الجندي خلال لقاءها في et بالعربي: "الناس فاهمة إن كل حاجة الرياضة أو التجميل، أهم حاجة الروح إنك تكوني صادقة مع نفسك، ده بيطلع على شكلك وعلى روحك لإنك معندكيش غل من جواكي، لإن الغل بيظهر على وشك وفي تصرفاتك وكل حاجة، لكن أنا الحمد لله إنسانة عادية معنديش غل ولا حقد وبحب الناس وحب الجمهور بيديني حالة من الإيجابية اللي أنا فيها".

سبب رفض نادية الجندي لعمليات التجميل

وعن رأيها في عمليات التجميل، قالت: "مبحبش أغير ملامحي، أنا فنانة الناس عرفتني بشكلي كده وبكل حاجة فيا، مينفعش أكون غير أنا نادية الجندي، ممكن يشوفوني إحلويت لكن مش لدرجة اتغيرت تمامًا ويقولوا مين دي، أنا في ناس بشوفها مبعرفهاش، بس ده مينمنعش إني أهتم بنفسي وبجسمي وكل حاجة".

نادية الجندي عن السينما المصرية في الوقت الحالي

كما تحدثت الفنانة نادية الحندي عن غيابها طوال الفترة الماضية عن السينما، قائلة: "زمان كان في كُتاب كبار بيعملوا موضوعات كويسة وأفلام عايشة لحد دلوقتي، وكان في فن كويس في فترة التسعينات والثمانينات، ولكن الأعمال في الفترة الحالية جميعها سطحية ولكنها لغة العصر، بس مبقاش في كُتاب زى زمان ولا مواضيع تبقي مبسوطة وإنتي بتتفرجي عليها، وأنا مش هرجع للسينما إلا لو هقدم عمل بنفس مستوى أعمالي مهما اتعرض عليا من إغراءات إستحالة أخذل جمهوري".

آخر أعمال نادية الجندي

يشار إلى أن آخر أعمال الفنانة نادية الجندي، مشاركتها في مسلسل "سكر زيادة" عام 2020، مع الفنانة هالة فاخر، سميحة أيوب، نبيلة عبيد، أميرة هاني، طارق عبد العزيز، مى الغيطي، لقاء الخميسي، هنادي مهنا، والإخراج وائل إحسان، وتأليف أمين جمال.