عدلي القيعي: أنا مش عارف أخد مستحقاتي من الأهلي

أكد عدلي القيعي رئيس شركة الكرة بالنادي الأهلي، عن وجود أزمة مالية يمر بها الفريق الأحمر.

وقال القيعي في تصريحات عبر قناة الأهلي: الأهلي معندهوش سيولة مالية ودي المفاجأة، عايزين ناخد فلوسنا وحقنا عشان نعرف نشتغل.

وتابع: مفيش سيولة، أه الرعاية عدت ال ٢ مليار جنيه بس ده في أربع سنين يعني ٥٠٠ مليون في السنة والنادي مصاريفه أكتر من مليار.

وأضاف: أنا بحط إيدي في جيبي مش بلاقي مش عارف أخد مستحقاتي، الجمهور بيقول بخل وهو مش كده ساعات فيه مصاريف ملهاش مبرر.

وأكمل: يعقوبو أول لاعب أجنبي خلصنا فيه ولكن فشلت الصفقة بسبب الكشف الطبي، دا لو كان إجتاز الكشف كان إتحلت مشكلة المهاجم.

وأردف: دخلنا في صفقة موليكا وفضلنا 20 يوم متواصلين مع نادي بشيكتاش، وكنا شغالين علي لاعب برازيلي تاني.

اقرأ أيضاً : القمة في خطر.. تراجع علي فرج للمركز الرابع في تصنيف محترفي الإسكواش

واختتم: في ناس دخلت تبوظ الصفقة بعد الإتفاق وفجأه اللاعب وكيله طالبوا طلبات غير منطقية (700 ألف دولار) عموله، ما هو محدش هيقدر يضغط عليا عشان أنا محتاج لاعب.