«ريمونتادا».. خالد الجندي يدعو لـ”تشطيب” رمضان بهذه الطريقة «فيديو»
قال الشيخ خالد الجندي عضو المجلس الأعلى للشئون الإسلامية، إن شهر رمضان المبارك "قمر" بين الشهور كسيدنا يوسف بين إخوته، مشددا على ضرورة الاهتمام بما تبقى من شهر رمضان فيما يخص الأعمال الصالحة والعبادات والتقرب إلى الله سبحانه وتعالى.
وقال الجندي، خلال تقديمه برنامج "لعلهم يفقهون"، المذاع عبرر فضائية "دي إم سي"، اليوم الأحد: "الحقيقة لفت نظري إزاي أصلح اللي فات، والإسلام لديه ظاهرة غريبة جدا وهي القدرة على التدارك، مفيش حاجة عندنا اسمها فات الأوان، أو راح الوقت أو الفرصة راحت، فطول مانت عايش الفرصة موجودة"، داعيا إلى تجديد الشحن لطاقة الأعمال الصالحة في شهر رمضان المبارك.
وأضاف عضو المجلس الأعلى للشئون الإسلامية: "اعتبروا رمضان هيبدأ الليلة بشحنة جديدة بصدقاتها وأخلاقها وطهارتها وإخلاصها وصلاتها وتوبتها، وكأنك بتستطلع الهلال من مغرب الليلة، إحنا لسه داخل المعترك ولم نخرج من رمضان، والعبرة بكمال النهايات وليست بتمام البدايات، المهم هتشطب إزاي وتقفل إزاي، وطالما لسه عايشين نقدر نعمل ريمونتادا رمضان ونرجع نصلح اللي فات، ونخلينا مع صافرة الحكم، لأن عندنا الوقت بدل الضائع كتير جدا".
ونصح الجندي ببداية وتيرة العمل الصالح داخل شهر رمضان بدءا من الليلة وكأنها أول ليلة، موضحا: "ابدأ ختمة جديدة وانزل اعمل كراتين ووجبات، خلوا النهاية سعيدة".
