الفن

مبقاش يجيلي أدوار بسبب الشللية.. تصريحات نارية لـ مروة عبد المنعم مع عمرو الليثي

الثلاثاء، 30 مايو 2023 09:19 صـ بتوقيت القاهرة

حلت الفنانة مروة عبد المنعم ضيفة مع الإعلامي عمرو الليثي في برنامج واحد من الناس، عبر قناة الحياة، وكشفت خلال اللقاء عن العديد من أسرار حياتها وسبب ابتعادها عن الوسط الفني، مؤكدة أنها لم يتم إرسال أى أدوار لها وهى لا تستطيع أن تطلب ذلك من أى شخص.

ونرصد لكم أبرز تصريحات مروة عبد المنعم مع عمرو الليثي:

- عمرى ما طلبت شغل من حد، وكنت بشتغل كويس ومرة واحدة الدنيا وقفت ومبقاش بيجيلي أدوار خالص.

- عملت مشروع المسرح بتاعي ومحدش فكر من زمايلي يتصل يباركلي، ودلوقتي الشللية هى اللي بتحكم الوسط الفني.

- انتشر قبل كده خبر بيقول زواج مروة عبد المنعم من أحمد عزمي وطبعًا كان إشاعة، أنا متجوزتش غير مرة واحدة من أبو أولادي وانفصلنا.

- مسلسل أم كلثوم كان أول عمل ليا ووالدي اتفاجئ بالناس بتقوله بنتك بتمثل، وساعتها كان رد فعله صعب قوي شدني من شعري على السلم وحبسني في الفيلا بتاعتنا اللي في البلد.

- ساعتها قولت إني هنتحر وأسيب البيت وروحت لماما، قولتلها أنا همثل ومش عايزة منكم أى حاجة وبعدها اشتغلت مندوبة مبيعات في الشارع عشان اقدر أصرف على نفسي.

- أقنعت بابا إني استمر في المعهد قسم الإخراج، وقلتله أنا ماضية 4 مسلسلات ولو ملتزمتش هتحبس ومكنتش ماضية أى حاجة.

- متمناش حور بنتي تدخل الوسط الفني، لأنه مجال صعب ومتعب وهياخد كتير من حياتها.

- سميت ابني يحيي على اسم الفنان الكبير يحيي الفخراني، لأني كنت حامل وقت مسلسل عباس الأبيض وقولتله لو طلع ولد هسميه يحيي لأني بحبك.

- لما بعمل أى شخصية برسملها شخصية كرتونية، زى النضارة اللي لبستها في مسلسل يوميات زوجة مفروسة.

مسلسل عالم تاني

يذكر أن آخر أعمال الفنانة مروة عبد المنعم مشاركتها في مسلسل "عالم تاني" مع الفنانة رانيا يوسف، فراس سعيد، نضال الشافعي، سميرة صدقي، فريال يوسف، تميم عبده، إلهام عبد البديع، مصطفى حشيش، حسام فارس، ومن إخراج عبد العزيز حشاد.