حسام داغر ناعيا المخرج إيهاب أبو زيد: «قلبي هيخرج من مكانه»
أعرب الفنان حسام دار عن حزنه الشديد لوفاة المخرج إيهاب أبو زيد رئيس شبكة قنوات النهار الذي وافته المنية أمس.
وكتب حسام داغر في منشور عبر حسابه بموقع فيس بوك: "أنا قلبي هيقف من الخضة.. معقول ببساطه كده أنام وأصحى الاقيك مشيت يا إيهاب.. ده أنا تليفوني وتليفون أخويا مبطلش رن منك وأنا في المستشفى في العناية لحد ما أنا خرجت وسمعت صوتي وقلتلي أنا كده اطمنت عليك".
وأضاف: "ده لسه في أحلام ومشاريع كتير بتفكر فيها سوا.. ببساطه كده أزمة قلبية مفاجاة.. ده أنت أكتر واحد كنت متحمس لمشروعي دكتور داغر وكنت هتشرف فيه علي الإخراج مع علي وأنت المخرج الكبير المدير القائد مفكرتش لحظة متقفش جمبنا.. فاكر أنت أول واحد كنت واثق فيا وموهبتي وادتني بطولة في راديو ستار سنة ٢٠٠٥ واقنعت بيا علي رجب بعدك لما كمل المسلسل".
واستكمل: "لاحول ولا قوة إلا بالله ايهاب الأخ الكبير الغالي المحترم في ذمة الله ربنا يصبرك يا ادم يا حبيبي انا لقيت ميسد منك الفجر وأنا نايم اكيد كنت عاوز تبلغني الي حصل لبابا ربنا يرحمك يا حبييي قلبي هيخرج من مكانه من ضرباته من خضتي عليك.. يا رب تكون في مكان أحسن يا ابن الأصول ياما حكتلي عن باباك الأستاذ أحمد أبو زيد مدير الإذاعة المصرية زمان وتعلقك الشديد بيه.. هو في انتظارك ياخذك في حضنه بعيد عن دوشة الدنيا وقلقها.. الله يرحمك يا حبيبي الله يرحمك يا إيهاب".
اقرأ أيضًا: نجوم الفن ينعون المخرج إيهاب أبو زيد رئيس شبكة قنوات النهار
