«عيشت في بيت مراتي 14 سنة وتراب الماس غيرني».. أبرز تصريحات ماجد الكداوني
كشف الفنان ماجد الكدواني العديد من الأسرار حول حياته الشخصية ومشواره الفني، وتفاصيل نشأنه منذ الصغر، إلى جانب الحديث عن كواليس أعماله الناجحة ومفاجأة ابنته له، وذلك من خلال لقاءه في برنامج صاحبة السعادة مع الإعلامية إسعاد يونس على قناة dmc.
ماجد الكدواني عن نشأنه
تحدث الفنان ماجد الكدواني عن نشأته، قائلًا: "والدي كان ملتزم جدًا وشديد علينا ولكن والدتي كانت حنونة وأنا كبير أشقائي، وجاءت لوالدي فرصة عمل في الكويت لتصميم مسجد الدولة هناك، وهذا كان السبب في أن يُغلق علينا والدنا وهذا سبب انفجار فيما بعد، ولكن تربية والدي تمثل لي حماية من الوقوع".
وعن زفاف نجله يوسف الذي أحدث ضجة عبر مواقع التواصل الاجتماعي، قال: " يوسف من صغره مسئول، والعلاقة بيننا اتطورت وبقا صاحبي بستشيره وبستنى رأيه، ولما قرب معاد فرحه حسيت إني مستني معاد عملية حراجية، وعانيت وقت سفره لأمريكا عشان الدراسة وبعدين عرفت إنه مسافر وراجع تاني ومش هيهاجر".
اقرأ أيضًا: إيرادات أفلام السينما أمس.. أكرم حسني يتفوق وتامر حسني مهدد بالسحب
وأضاف: "مكنتش متوقع إن الفرح ينتشر بالطريقة دي، وكانت أسعد لحظات حياتي ولقيت ناس كتير من صحابي وزمايلي موجودين، منهم: رامي إمام، هاني رمزي، أحمد الجنايني، كريم عبد العزيز، اللي كنت عمال أقوله شكرًا يقولي ده فرح ابني، وأكتر حاجة فرحتني إني حسيت بحب الناس".
ماجد الكدواني يرفض فكرة زواج ابنته
أما عن فكرة زواج ابنته، أضاف: "مش متخيل إن في حد هييجي ياخد بنتي مني، مش قادر أتخيل اللحظة دي، وبعدين قولت انت متعرفش الراجل ده"، وردت عليه ابنته: "بتكرهه من قبل ما ييجي؟.. طيب مش تستنى لما نعرف هو مين الأول"، فأكمل ماجد: "رغم صعوبة الفكرة بس لما فكرت قولت طيب ما هو والد زوجة ابني قابل فكرة إن ابني ياخد بنته، فبقيت مش بفكر كتير".
ووجه لها نصيحة، قائلًا: "أهم حاجة الثقة بالنفس واعملي اللي عليكي وسيبي النتيجة على ربنا، لإنه مش بيعمل حاجة وحشة واتأكدي ان كله خير وبصي للجانب الايجابي، لانك حساسة وسريعة البكاء".
ماجد الكدواني يكشف نصيحة ابنته له
واستكمل ماجد الكدواني، أنه بعد فيلم تراب الماس بدأ صوته يرتفع بشكل كبير دون أن يدرك، وتأثرت ابنته ولكن لم تخبره، حتى قالت له في إحدى المرات: "ممكن متعليش صوتك طلع كل مشاعرك واعمل كل حاجة واحنا هنحس بيك بس من غير ما تعلي صوتك، دي مش طريقتك وبلاش تعبر بالشكل ده، ومن ساعتها اتعلمت أحتفظ بمشاعري وأعبر عنها بالشكل اللائق".
وعن العمل مع أحمد الجنايني، تابع الكدواني: "هو حقق ليا كل الجوانب والعناصر المريحة في العمل، والاحترام في التعامل والأمانة في الفن، والشغل معاه بيحسسني بأريحية وبتطمن على اللي هيطلع من العمل ده، وساعتها بيكون دوري مقتصر فقط على التمثيل والأداء، أحمد نموذج للإدارة المحترمة، من أول البحث عن السيناريو لحد تسليم الفيلم في دور العرض".
ماجد الكدواني عن علاقته بزوجته
وتطرق ماجد الكداوني بالحديث عن علاقته بزوجته، قائلًا: "أنا عبيط قوي وببقى مدهول وأنا بحب، وهي عاقلة ووقورة وبرج الميزان، لما كنا في سنة ثالثة قولتلها إني معجب بيها ولو ينفع نقرب من بعض أكتر، قالت أنا مش بفكر في الموضوع ده، بس عندي طلب واحد".
وتابع: "قالتلي كل يوم الصبح تصبح عليا لما تشوفني، وبقيت أصبح عليها 10 مرات كل يوم، علشان أثبت إن مفيش عداوة، وفي سنة رابعة قربنا من بعض وكانت هتهاجر أمريكا مع أهلها وأنا كمان كان المفروض أهاجر بس مش عايز، بس أهلها تفهموا رغبتي إني أقعد في مصر، واتقدمتلها وعيشت في بينها 14 سنة لحد ما اتخرجت من المعهد، وبشكرها على حفاظها عليا وعلى البيت وتربية الأولاد هى فعلًا نعمة في حياتي".
اقرأ أيضًا: حادث ماجد الكداوني يتسبب في دخوله معهد الفنون .. فيديو
