أحمد خالد صالح يكشف تفاصيل مشاركته في”ليلة العيد”
كشف الفنان أحمد خالد صالح عن تفاصيل مشاركته في فيلم “ليلة العيد”، بطولة الفنانة يسرا، والذي يتم طرحه حاليًا في دور العرض السينمائي.
قال أحمد خالد صالح، في تصريحات إذاعية: “الحمد لله أنا راضي جدًا عن ردود الفعل على الدور ومبسوط إني كنت في فيلم زي ده، والفضل يرجع لأستاذ سامح عبد العزيز تعب أوي معايا في الشخصية لأنها بعيدة جدًا عني، وأي نجاح في الفيلم جزء كبير منه يرجع له”.
وتابع أحمد خالد صالح: “بصراحة لما بتبقى الشخصية بعيدة عني بالشكل ده بيحمسني لأن بيبقى حاجة جديدة الواحد بيكتشفها ومستحيل يعملها في حياته، فأنا مبخافش من الشخصيات اللي بعيدة عني ببقى متحمس لها”.
أما عن تعاونه مع ريهام عبد الغفور، أضاف أحمد خالد صالح: “وأنا بتفرج على مشاهدها كان قلبي بيتقطع، وهي تعبت أوي في الدور وأستاذ سامح عبد العزيز كان قائد بجد خاصة في المشاهد اللي زي دي، أنا لسة مستني تعليقات برضوا من الجمهور، ومن أكتر التعليقات اللي جاتلي أنهم كرهوني، والحمد لله على ردود الفعل".
اقرأ أيضا: مصدر يكشف لـ «الطريق» حقيقة انفصال هنادي مهنا وأحمد خالد صالح
