هموم الناس

محكمة الأسرة اليوم 2020| زوجة: ” بارد ومالهوش في الرومانسية”

الأحد، 14 يونيو 2020 04:37 مـ بتوقيت القاهرة

" مبيعرفش يبوس ومالهوش في الرومانسية " بهذه الحجة الواهية رفعت زوجة تدعى " أميرة" صاحبة الـ30 دعوى قضائية أمام محكمة الأسرة مصر الجديدة، لطلب الخلع من زوجها.

وقالت الزوجة فى دعواها أمام محكمة الأسرة:" جوزى ملهوش فى أي حاجة ، كل يوم ينام بدرى، عشت معاه 3 سنوات فى عذاب، وعلى طول مشاكل على أى حاجة، بجد عايزة أعيش زي الستات اللى عايشة فى سعادة ، وجوزى مبيعرفش يقول حتى كلام حلو.

وأضافت" أميرة" فى دعواها أمام محكمة الأسرة : "أنا اتخميت فيه واكتشفت أنه بارد وما بيعرفش يبوس، وأنا كل اللى عاوزاه أنى استمتع مع جوزى، وأعيش فى حياة رومانسية، ولا هو الراجل من دول يطالب بحقوقه ويتجوز أكتر من واحدة لو مالقيش المتعة مع مراته، وإحنا لا".

وأضافت الزوجة فى دعواها أمام محكمة الأسرة : "حاولت كثيرا أن ألفت نظره لاحتياجى له، وأن حياتنا قبل الزواج تختلف عن بعد الزواج، ولابد من التعاون فيما بيننا للتأقلم على الوضع، ولكنه كان يسخر من حديثى ويقول لى اتفرجى معايا على الفيلم دا وانتى تنامى ".