طليقة شقيق ياسمين عبد العزيز تخرج عن صمتها: مبيصرفش على بيته

خرجت مى أبو ربيع، طليقة الممثل وائل عبد العزيز، شقيق الفنانة ياسمين عبد العزيز، عن صمتها، وكشفت عن العديد من الأمور الخاصة بعلاقتها التي تجمعها بطليقها، خاصة عقب الجدل الذى أثاره بتوجيهه رسالة لشقيقته، يسيئ فيها إليها بسبب علاقتها بالفنان أحمد العوضى، إثر نشر صورها معه من عيد ميلادها الأخير، والأمر الذى انتهى بإعلان الثنائي ياسمين والعوضي عن حبهما لبعضهما.

طليقة شقيق ياسمين عبد العزيز تخرج عن صمتها

وكتب مى طليقة وائل عبد العزيز منشور على صفحتها الرسمية بموقع "فيس بوك" قائلة: "أنا طليقة وائل عبد العزيز أخو ياسمين عبد العزيز.. أولا وائل مش بيصرف على ابنه من يوم ما أتولد وأنا انفصلت منه وابني عنده 5 شهور ولحد دلوقتي ولا بيصرف عليه ولا حد من أهله بيصرف علي ابني غيري.. ابني عنده دلوقتي 11 سنة، مؤخرًا بس من 3 سنين ياسمين قالتلي أنا متكفلة بمصاريف الدراسة دفعت سنتين ومش المصاريف كاملة كمان، وبعد كده قالتلي أنا ظروفي ماتسمحش ادفع مصاريف تاني.. قلتلها انتي اللي عرضتي تدفعي قالتلي (ورجعت في كلامي في مشكلة!) ده الموضوع باختصار.. وياريت محدش يجيب سيره ابني لو سمحتوا.. وحقي وحق ابني حاخده بالقانون".

بوست شقيق ياسمين عبد العزيز 

وكان قد نشر الممثل وائل عبد العزيز شقيق الفنانة ياسمين غبد العزيز "بوست" على صفحتها الشخصية بالفيسبوك قائلا: ووجه وائل عبد العزيز، رسالة لشقيقته ياسمين عبد العزيز قائلًا: "بصي يا ياسمين يا عبد العزيز يا اختي : انا معاكي وفي ضهرك من وانتي صغيره شيلت مشاكل كتيًر بسببك من وانتي عيله صغيره بداية من مشاكلك مع الشاعر وبراده وانتي عارفه ان انا اتأذيت فيها ازاي وقضية الشغالات مؤخرا غير قضية الضرب اللي كانت بينك وبين بنت هشام سليم الممثلة الي لبستيها التورتة في وشها".

وأكمل شقيق ياسمين عبد العزيز منشوره: "وقفت جمبك بكل ما أملك من قوه أدافع عنك في كل موقف صعب مر عليكي ونسيت حياتي ونفسي عشانك وبقي كل همي أنا "ووالدتك " انك تكبري وتبقي نجمه في مجالك .. سيبنالك اختياراتك كلها لنفسك ووفقنالك علي معظم قراراتك وكنت الوحيد الي ساندتك ووقفت جنبك في طلاقك .. لكن هنهرتل وتروحي تعرفي واحد اصغر منك بـ ١٠ سنين لا من سنك وتتصوري صور مالهاش اَي لازمة علي حساب سمعتك وسمعتنا لا ومحدش هيسمح .. من امتي واحنا بنعمل أعياد ميلاد وتنزل علي السوشيال ميديا .. من امتى الناس بتجيب في سيرتنا !؟ ونقعد نتعاكس علي السوشيال ميديا".

وتابع: "ومع ذلك حياتك وانتي حرة فيها.. انا هتكلم علي الشق الي يخصني .. انتي مقاطعه كل العيله عشان تعملي الي علي مزاجك.. احنا دلواقتي عايزين نفهم العلاقه دي ايه و رايحه علي فين".

وتابع: "أما بالنسبة للأخ اللي ماشي وراكي في كل حتة وشايفك البيضة الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل وتقعد مع رجاله البيت..دي الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الي انت سالكه من سنين مع بنات الناس".

وختم منشوره بـ:" أنا من رأي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وانا مبخفش من تهديد حد".