صباحك روقان| اضحك مع فؤاد المهندس ومرض جنون البقر
صباحك روقان.. بعد وصول حالات الإصابة بكورونا لـ109 حالة، وتعليق الدراسة، كثرت الشائعات حول المرض، وما أشبه الليلة بالبارحة، فقد قدم الراحل فؤاد المهندس في البرنامج الإذاعي الشهير "كلمتين وبس" حلقة بعنوان "الصحة العامة"، وذلك لانتشار الشائعات بعد ظهور مرض جنون البقر في أوربا.
صباحك روقان.. اضحك مع فؤاد المهندس ومرض جنون البقر
وبدأ فؤاد المهندس حلقته التي استمرت لخمس دقائق بـ"من كام سنة سمعنا عن جنون البقر، ده عبارة عن مرض بيصيب البقر تكون نتيجته أنه يموت، اللي أكل البقر أو أكل لحمه، بيصاب بيه ويموت، في أوربا جمعوا البقر كله وأعدموه، ودا كلف المزارعين مليارات الجنيهات الاسترليني، والخسارة دي قسمت وسط المزارع الانجليزي، لكنها أنقذت حياة الملايين، الدولة دخلت معاه وشالت وياه مكنش قدر يستمر، وحكاية جنون البقر دي أثارت مخاوف النس دي كلها، يا ترى يا هل ترى سببها أيه، ومسمعناش عنها ليه، ومعمرناش سمعنا عنها؟".
وأضاف: "طبعا في ناس قالت مين عارف جايز بسبب التفجيرات النووية حصل دا، جايز في تلوث في الجو أو في الرض، جايز الحيوانات دي كلت حاجات ملوثة، وكل واحد بدأ يفتي، والناس إتلغبطت أكتر، وفي واحد قال أنتو فاكرين أصحاب البقر هيعدمه، جايز تاجر زمته خربانه، ويصدرها لأي بلد من بلاد العالم الثالث، الغش محتمل والنتيجة هلاك، اليومين دول طلع في أوربا مرض تامي بيصيب الفراخ، بيصيب الفراخ البلجيكي".
واختتم كلامه بأن:" ووزير التجارة أصدر قرار بوقف السلع الأوربية، وتشمل لحوم الطير والفراخ والخنازير والبيض، والدهون والشحوم، العجاين، والشيكولاتة،باختصار كل المنتجات اللي بيخش في تركيبها اللبن والبيض، وبيستوردها من الاتحاد الأوربي، ويسري على السلع الموجودة في الدوائر الجمركية، وشكر الراحل فؤاد المهندس الوزير على قراره، نظرا لكون والصحة أهم شئ في الدنيا ولو وجد خطر يهدد الصحة العامة يجب أن يقف بقرارات حاسمة.
