”بقول ده ومش خايفة من التعليقات اللي هتيجي”.. تصريحات جريئة من شيرين تثير ضجة

شاركت الفنانة شيرين عبد الوهاب، جمهورها بالتغيرات التي طرأت في حياتها خلال فترة الحجر المنزلي، اتباعا للإجرات الاحترازية للحد من تفشي فيروس كورونا.

وجاء ذلك من خلال عدة تغريدات نشرتها عبر حسابها الخاص بموقع التدوينات القصيرة "تويتر"، وفي التغريدة الأولى كتبت: "أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا".

وتابعت: "أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا".

وفي التغريدة الثانية كتبت: "ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة "الرحمن الرحيم" هو فعلا رحمن وحنين وأحلى حاجة في الدنيا".

واستكملت شيرين في تغريدة ثالثة كاتبة: "زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي".

اقرأ أيضًا: ”هغنيلكم كل يوم من البيت”.. لطيفة تفاجئ جمهورها

وانهت شيرين حديثها في تغريدة رابعة كتبت فيها: "أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده".