ريهام سعيد تفاجئ الجميع وتنشر محادثة خاصة على ”واتساب” مع ياسمين عبدالعزيز

على طريقتها الخاصة؛ حرصت الإعلامية ريهام سعيد، اليوم الأحد، على تقديم الشكر والتهنئة للنجمة ياسمين عبدالعزيز بعد نجاح مسلسلها "ونحب تاني ليه" الذي عُرض على قناة CBC في شهر رمضان 2020.

ونشرت ريهام سعيد، عبر حسابها على موقع "إنستجرام"، صورة محادثة "واتساب" خاصة لها مع ياسمين عبدالعزيز، وفيها عدة رسائل تخبرها فيها بأنها شاهدت مسلسل "ونحب تاني ليه" أكثر من 20 مرة، وتضيف مخاطبة بطلة العمل: "بجد لازم تبقي فخورة أوي بنفسك، والله مدياني أمل إن الحياة مش هتقف على حاجة، ماتقوليش عليّا هبلة أنا نفسيتي في الأرض لإن كل الناس اتخلت عني والناس كلها طلعت ندلة، المسلسل ده اداني دفعة إن فعلا الواحد مايعرفش ممكن يحصله إيه وساعات الحاجات اللي بتحصل بنفتكرها وحشة عشان تبقى حياتنا أحسن، بجد بشكرك عشان قدمتي حاجة هتدي أمل لناس كتير".

وعلّقت ريهام سعيد على صورة المحادثة: "ياسمين عبدالعزيز بعد ما بعتلك على الواتس قررت أشكرك قدام كل الناس/ اظاهر إن في فعلا سبب إن إحنا نرجع نحب كل حاجه تاني، شكرا لكل فريق العمل اللي أبدع، بجد بعد كده مش هاعمل غير اللي أنا حساه ومصدقاه، درس وجملة عمري ما هانساها".